សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានស្លាប់ពេលបញ្ជូនទៅដល់មន្ទីរពេទ្យ បន្ទាប់ពីខ្មាន់កាំភ្លើងធ្វើបាញ់ប្រហាចំនួន២គ្រាប់ ខណៈកំពុងអង្គុយក្នុងម៉ាតបង្កឲ្យមានការភ្ញាក់ផ្អើលកាលពីវេលាម៉ោង៩និង៣០នាទីយប់ ថ្ងៃទី១៣ ខែសីហា ឆ្នាំ២០១៦ នៅចំណុចមុខម៉ាត only u mart តាមបណ្តោយផ្លូវព្រះសីុសុវត្តិ ស្ថិងក្រុ៣៦ ភូមិ១ សង្កាត់កណ្តាលទី១ ខណ្ឌដូនពេញ។
ជនរងគ្រោះឈ្មោះសិន ចាន់នារ័ត្ន ភេទប្រុសអាយុ២៨ឆ្នាំ មុខរបបុគ្គលិកក្រុមហ៊ុនអចលនទ្រព្យចតុុមុខ ។ ដោយឡែកជនសង្ស័យដែលត្រូវឃាត់ខ្លួមនោះឈ្មោះខៀវ ថនវណ្ណឌី ភេទប្រុស អាយុ២៦ឆ្នាំ និងម្នាក់ទៀតនៅមិនទាន់ស្គាល់អត្តសញ្ញាណនៅឡើយទេ ។
តាមព័ត៍មានមិនច្បាស់ការបានអោយដឹងថានៅមុនពេលកើតហេតុជនរងគ្រោះបានអង្គុយលេងនៅក្នុងម៉ាងខាងលើ បន្ទាប់មកស្រាប់តែមានមនុស្ស២ក្រុមដោយម្ខាងមានគ្នា៤ទៅ៥នាក់បានឈ្លោះគ្នា ហើយរត់មកចូលក្នុងកន្លែងកើតហេតុ ភ្លាមនោះជនរងគ្រោះដោយសារតែស្គាល់គ្នា ក៏ទៅជួយឃាត់ស្រាប់តែភាគីម្ខាងដកកាំភ្លើងបាញ់ចំនួន២គ្រឿងត្រូវជនរងគ្រោះដោយមួយគ្រាប់ចំត្រូវឆ្អឹងជំនីនិងមួយគ្រាប់ទៀតចង្គុងបត់ខាងស្តាំរងរបួសធ្ងន់ ។
បន្ទាប់មកកម្លាំងអាវុធហត្ថដែលនៅគោលដៅក្បែរនោះ ក៏ចេញមកអន្តរាគមន៍ជនសង្ស័យបានចំនួន២នាក់ភ្លាមៗ ចំណែកជនរងគ្រោះត្រូវបញ្ជូនតាមរ៉ឺម៉កកង់បីទៅសង្គ្រោះមន្ទីរពេទ្យកាល់ម៉ែត ។
សមត្ថកិច្ចបានបញ្ជាក់ថា ជនរងគ្រោះត្រូវបានស្លាប់ បន្ទាប់ពីបញ្ជូនទៅដល់មន្ទីរពេទ្យ ។
ក្រោយពីការឃាត់ខ្លួនជនសង្ស័យរួចកម្លាំងអាវុធហត្ថបាននាំយកទៅទីបញ្ជាការខណ្ឌដូនពេញដើម្បីសាកសួរ ។
ពាក់ព័ន្ធនឹងករណីបាញ់ប្រហារបណ្តាលឲ្យមនុស្សស្លាប់ខាងលើនេះ សុំការបំភ្លឺពីសមត្ថកិច្ចឲ្យច្បាស់ពីព័ត៌មាន តែហាក់បីដូចជាមានការលាកបាំង ។ ដោយឡែក ទាក់ទិននឹងហេតុការនេះ គេនៅមិនទាន់ដឹងថាបណ្តាលមកពីមូលហេតុឡើយ ៕ សុខាសែនជ័យ
