សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់អង្គុយស្ទូចត្រូវរហូតខ្យល់គរដួលផ្កាប់មុខស្លាប់យ៉ាងអាសូរ បង្កការភ្ញាក់ផ្អេីលកាលពីវេលាម៉ោង១១និង៣០នាទីព្រឹក ថ្ងៃទី២៣ ខែកញ្ញា ឆ្នាំ២០២៤ នៅចំណុចផ្លូវបេតុងភូមិ អករំដួល សង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះឈ្មោះ ទឹម ភារម្យ ភេទប្រុសអាយុ៤១ឆ្នាំ មុខរបរជាងសំណង់ ស្នាក់នៅភូមិ ទ្រុងមាន់ សង្កាត់អូរបែកក្អម ខណ្ឌសែនសុខ ។ មានស្រុកកំណើតនៅភូមិជីហែរ ឃុំពាមប្រធ្នោះ ស្រុកកោះសូទិន ខេត្តកំពង់ចាម ។
ប្រពន្ធឈ្មោះ សុទ្ធ វ៉ាន់សុី អាយុ៤២ឆ្នាំ មុខរបរកម្មការិនីរោងចក្រ អត់មានកូន ស្នាក់នៅបន្ទប់ជួល ជាមួយគ្នា។
តាមប្រភពព័ត៌មានបានឱ្យដឹងថា ស្ទេីរតែរៀងរាល់ថ្ងៃគេតែងតែឃេីញបុរសខាងលេីមកអង្គុយស្ទូចត្រីនៅទីនោះលុះមកដល់ថ្ងៃកេីតហេតុស្រាប់តែកំពុងអង្គុយស្ទូចត្រីសុខៗស្រាប់តែដួលដេកនៅមាត់ទឹក អ្នកជិតខាងឃេីញមិនស្រួលក៏ទៅសួរនាំតែអកុសលជនរងគ្រោះបានស្លាប់បាត់ទៅហេីយទេីបរាយការណ៍ទៅសមត្ថកិច្ចចុះមកពិនិត្យជាក់ស្តែង។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុធ្វេីកំណត់ហេតុប្រគល់សពទៅឱ្យក្រុមគ្រួសារយកទៅធ្វេីបុណ្យតាមប្រពៃណី៕
ដោយ៖សុខាសែនជ័យ
