សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ នៅថ្ងៃទី២៦ ខែកញ្ញា ឆ្នាំ២០២៤ វេលាម៉ោង ១០ និង ៤៩ នាទី ដោយអនុវត្តតាមបទបញ្ជាយ៉ាងម៉ឺងម៉ាត់ និងតាមមតិចង្អុលបង្ហាញដ៏ខ្ពង់ខ្ពស់របស់លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ កម្លាំងផ្នែកជំនាញនៃអធិការដ្ឋាននគរបាលស្រុកក្រគរ សហការជាមួយកម្លាំងប៉ុស្តិ៍នគរបាលរដ្ឋបាលក្បាលត្រាច ដឹកនាំដោយលោក វរសេនីយ៍ឯក មោក ភារម្យ អធិការនគរបាលស្រុកក្រគរ និងដោយមានការសម្របសម្រួលពីឯកឧត្ដម កូយ កាន់យ៉ា ព្រះរាជាអាជ្ញានៃអយ្យការអមសាលាដំបូងខេត្តពោធិ៍សាត់ បានបង្ក្រាបឃាត់ខ្លួនជនសង្ស័យ០១នាក់ក្នុងករណីប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន នៅចំណុចក្រោយវិហារចាមស្ថិតក្នុងភូមិផ្សារ ឃុំក្បាលត្រាច ស្រុកក្រគរខេត្តពោធិ៍សាត់។
ជនសង្ស័យដែលបានឃាត់ខ្លួន៖
១- ឈ្មោះ ភាព មេសា ភេទប្រុស អាយុ៣៩ឆ្នាំ រស់នៅភូមិកប៉ាស់ ឃុំឈេីតុំ ស្រុកក្រគរ ខេត្តពោធិ៍សាត់ បានធ្វើតេស្តទឹកនោមវិជ្ជមាន(+)មានផ្ទុកសារធាតុញៀននៅក្នុងទឹកនោម។
វត្ថុតាងដកហូតរួមមាន៖
១-ម្សៅក្រាមពណ៌សថ្លាសង្ស័យជាសារធាតុញៀនចំនួន០៣កញ្ចប់ ទម្ងន់ ០,៧៣ក្រាម (ថ្លឹងសាច់ថ្នាំសុទ្ធ)
២-ទូរស័ព្ទដៃចំនួន០១គ្រឿង
៣-ថង់សម្រាប់រំលែកថ្នាំញៀនមួយចំនួន
៤-សម្ភារជក់មួយកំប្លេ
៥-ឆាំសម្រាប់ចូកថ្នាំញៀនចំនួន០១
បច្ចុប្បន្នជនសង្ស័យរួមទាំងវត្ថុតាងបានរៀបចំនីតិវិធីបញ្ជូនទៅការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តពោធិ៍សាត់៕
ដោយ៖ អរុណរះ
