🔥ឆេះឃ្លាំងមួយកន្លែងនៅសង្កាត់ជ្រោយចង្វាបណ្ដាលឱ្យខូចខាតកង់៤ពាន់គ្រឿង

ភ្នំពេញ៖ នៅវេលាម៉ោង១៧:១០ល្ងាច ថ្ងៃទី២៦ ខែកញ្ញា ឆ្នាំ២០២៤ មានករណីអគ្គិភ័យមួយ​បានកើតកើតឡើងនៅចំណុចឃ្លាំងស្តុកកង់គ្រប់ប្រភេទ ស្ថិតនៅភូមិដើមគ សង្កាត់ជ្រោយចង្វា ខណ្ឌជ្រោយចង្វា។

ហេតុការណ៍​អគ្គិភ័យឆាបឆេះឃ្លាំងស្តុកកង់នេះ សមត្ថកិច្ចកំពុងស្រាវជ្រាវរកមូលហេតុឲ្យបានច្បាស់លាស់។ អគ្គិភ័យនេះធ្វើឱ្យឆេះឃ្លាំងដែកប្រក់សង្ក័សី ទំហំ ១០ម៉ែត្រ X ៤០ម៉ែត្រ រួមទាំងកង់ចំនួន ៤០០០គ្រឿងត្រូវឆេះខូចខាតអស់ទាំងស្រុង។

នៅម៉ោង១៩:១០នាទីយប់ ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យពន្លត់អគ្គិភ័យរាជធានីភ្នំពេញ ចំនួន ១៥គ្រឿង ប្រេីប្រាស់ទឹកអស់ចំនួន ៤៥ឡាន ស្មើនឹង១៨០ម៉ែត្រគូប,  រថយន្តពន្លត់អគ្គិភ័យក្រុមហ៊ុន OCIC ទីក្រុងជ្រោយចង្វាចំនួន០៧គ្រឿង ប្រេីប្រាស់ទឹកអស់ចំនួន ២១ឡាន ស្មើនឹង ១២៦ម៉ែត្រគូប, រថយន្តពន្លត់អគ្គិភ័យក្រុមហ៊ុន OCIC ទីក្រុងកោះពេជ្រចំនួន ០២គ្រឿង ប្រើប្រាស់ទឹកអស់ចំនួន ០៤ឡាន ស្មើនឹង៣២ម៉ែត្រគូប, រថយន្តពន្លត់អគ្គិភ័យក្រុមហ៊ុន OCIC ទីក្រុងអូឡាំព្យា៉ ចំនួន ០១គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប, រថយន្តពន្លត់អគ្គិភ័យក្រុមហ៊ុនស្រាបៀរកម្ពុជាចំនួន០១គ្រឿង ប្រេីប្រាស់ទឹកអស់ចំនួន០២ឡាន ស្មើនឹង ១២ម៉ែត្រគូប៕

ដោយ៖ សូរិយា