សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ បុរសម្នាក់បានបាត់បង់ជីវិតយ៉ាងអាណោចអាធ័ម បន្ទាប់ពីបានជិះម៉ូតូធ្លាក់ផ្លូវ ជ្រុលទៅធ្លាក់ស្រះទឹក ហើយម៉ូតូបានសង្កត់ពីលើ ងើបមិនរួចបណ្តាលឲ្យឈ្លក់ទឹកស្លាប់ ។
ហេតុការណ៍នេះបានកើតឡើងកាលពីវេលាម៉ោង៤និង៣០នាទីទៀបភ្លឺ ថ្ងៃទី២០ ខែសីហា ឆ្នាំ២០១៦ ស្ថិតនៅចំណុចភូមិសេដា ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ។
សមត្ថកិច្ចបានបញ្ជាក់ថា នៅមុនពេលកើតហេតុ មានម៉ូតូមួយគ្រឿង ម៉ាក SUZUkI ស្មាស់ ធុន C110 ពណ៌ខ្មៅ ពាក់ស្លាកលេខ ព្រៃវែង 1F-2173 បើកបរដោយឈ្មោះ សុខា សាក់ ភេទប្រុស អាយុ29ឆ្នាំ នៅភូមិចុងក្រូច ឃុំរាប ស្រុកពារាំង ខេត្តព្រៃវែង ។
ប្រភពបន្តថា ជនរងគ្រោះបានបើកបរម៉ូតូក្នុងទិសដៅពីត្បូងទៅជើង តាមផ្លូវលេខ8 ចន្លោះគីឡូម៉ែត្រលេខ 36-37 បានបើកធ្លាក់ផ្លូវលេខ8 មកដួលធ្លាក់ស្រះត្រពាំងមួយ ហើយម៉ូតូសង្កត់ពីលើខ្លួនបណ្តាលឲ្យស្លាប់នៅនឹងកន្លែងកើតហេតុ ។
សមត្ថកិច្ចបន្តថា ករណីនេះបណ្តាលឲ្យស្លាប់ ឈ្មោះ សុខា សាក់ ភេទប្រុស អាយុ29ឆ្នាំ រស់នៅភូមិចុងក្រូច ឃុំរាប ស្រុកពារាំង ខេត្តព្រៃវែង ។ ជាមួយគ្នានេះដែរ ម៉ូតូបានរងការ ខូចខាតបន្តិចបន្តួច ។ ករណីគ្រោះថ្នាក់ចរាចរណ៍នេះ កើតឡើងដោយសារ មូលហេតុ អ្នកបើកបរម៉ូតូ បើកល្បឿនលឿនខ្វះការប្រុងប្រយត្ន័ ។
សាកសពជនរងគ្រោះត្រូវសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
