សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចប៉ុស្តិ៍រដ្ឋបាលចោមចៅទី៣ ខណ្ឌពោធិ៍សែនជ័យបានប្រកាសរកម្ចាស់ម៉ូតូមួយគ្រឿងដែលត្រូវបានប្រជាពលរដ្ឋប្រទះឃេីញនៅក្នុងដីឡូត៍មួយកន្លែង ក្នុងភូមិព្រៃព្រីងជេីង១ កាលពីព្រឹកថ្ងៃទី៧ ខែធ្នូ ឆ្នាំ២០២៤ ។
ម៉ូតូដែលប្រជាពលរដ្ឋប្រទះឃេីញនោះម៉ាកស្គូពី ពណ៌ខៀវ ពាក់ស្លាកលេខកំពត 1J-2169 ។
តាមសមត្ថកិច្ចបានឱ្យដឹងថា នៅព្រឹកថ្ងៃទី៧ ខែធ្នូ ឆ្នាំ២០២៤ មានប្រជាពលរដ្ឋបានរាយការណ៍មកថា ឃេីញមានម៉ូតូស្គូពីមួយគ្រឿងប្លុងចោលក្នុងដីឡូត៍មួយកន្លែងនៃភូមិព្រៃព្រីងជេីង១ សង្កាត់ចោមចៅទី៣ ខណ្ឌពោធិ៍សែនជ័យ។ ក្រោយទទួលព័ត៌មានភ្លាម កម្លាំងសមត្ថកិច្ចក៏បានចុះទៅដល់ទីតាំងកន្លែងកេីតហេតុនិងយកម៉ូតូមករក្សាទុកនៅប៉ុស្តិ៍នគរបាលរដ្ឋបាលចោមចៅទី៣ រង់ចាំម្ចាស់មកទទួលយកទៅវិញ៕
ដោយ៖សុខាសែនជ័យ
