សារព័ត៌មាន នគរវត្ត តែងតែនាំមុខគេជានិច្ច
Liverpool បានឆ្លងផុតទៅកាន់វគ្គ១៦ក្រុមចុងក្រោយ Champions League បន្ទាប់ពីការស៊ុតបាល់ប៉េណាល់ទីរបស់ Mohamed Salah យកឈ្នះ Girona ១ទល់០ក្នុងការប្រកួតកាលពីរំលងអធ្រាត្រឈានចូលថ្ងៃទី១១ ខែធ្នូនេះ។
ក្រុមរបស់លោក Arne Slot បានទទួលការស៊ុតបាល់បញ្ចូលទីក្នុងតង់ទី២ នៅពេលដែលអតីតខ្សែបម្រើ Manchester United និង Everton កីឡាករ Donny van de Beek បានចាប់កែងជើងរបស់ Luis Diaz នៅក្នុងតំបន់ពិន័យធ្វើឲ្យអាជ្ញាកណ្តាលផ្តល់បាល់ពិន័យប៉េណាល់ទីតែម្តង។
Salah បានស៊ុតបាល់ប៉េណាល់ទីរបស់គាត់យ៉ាងងាយស្រួល ដោយបានស៊ុតផុតដៃអ្នកចាំទី Girona Paulo Gazzaniga ខុសក្នុងការស៊ុតបញ្ចូលទីគ្រាប់ទី៤៦ក្នុងក្របខ័ណ្ឌ Champions League របស់គាត់។
ការវិលត្រលប់មកវិញរបស់អ្នកចាំទី Alisson Becker បានជួយសង្រ្គោះបានយ៉ាងល្អ ខណៈដែល Liverpool បន្តការចាប់ផ្តើមដ៏ល្អឥតខ្ចោះរបស់ពួកគេទៅកាន់ក្របខ័ណ្ឌ Champions League រដូវកាលនេះ ហើយក្រុមហង្សក្រហមនឹងធានាបាននូវការបញ្ចប់ក្នុងចំណាត់ថ្នាក់កំពូលទាំង៨ដោយបញ្ជូនពួកគេទៅកាន់វគ្គ១៦ក្រុមចុងក្រោយ ប្រសិនបើពួកគេទទួលបានពិន្ទុពីការប្រកួតចុងក្រោយរបស់ពួកគេក្នុងដំណាក់កាលលីក។
Liverpool ដែលជាអ្នកនាំមុខតារាងលីគដំណាក់កាលនេះ ក៏នឹងត្រូវបានធានាផងដែរនូវការបញ្ចប់ក្នុងចំណាត់ថ្នាក់កំពូលទាំង៨ប្រសិនបើលទ្ធផលផ្សេងទៀតដំណើរការរបស់ពួកគេក្នុងសប្តាហ៍នេះ។ ក្រុមហង្សក្រហមត្រូវជួបជាមួយ Lille ក្រៅដី និង PSV Eindhoven នៅផ្ទះក្នុងខែមករា។
ពួកគេបានឈ្នះការប្រកួត Champions League ចំនួន៦ក្នុងចំណោមការប្រកួតចំនួនប្រាំមួយក្នុងរដូវកាលនេះ ហើយបានទទួលបានកន្លែងមួយរួចហើយក្នុងការប្រកួតវគ្គ Play-off វគ្គជម្រុះជុំមុនវគ្គ១៦ក្រុមចុងក្រោយ។
ចំណែកក្រុម Girona បានចាញ់៥ប្រកួតក្នុងចំណោម៦ប្រកួតរបស់ពួកគេនៅក្នុងក្របខ័ណ្ឌ Champions League នៅរដូវកាលនេះ។ ឥឡូវនេះ Liverpool បានឈ្នះ១៦ប្រកួតក្នុងចំណោម១៨ប្រកួតចុងក្រោយរបស់ពួកគេ រួមទាំងស្មើ២ចាប់តាំងពីចាញ់ Nottingham Forest កាលពីថ្ងៃទី១៤ ខែកញ្ញាមក ៕
ដោយ៖ ភារៈ(រូបភាព ៖ BBC)
