សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅក្នុងឱកាសអញ្ជើញជាអធិបតី «បើកការដ្ឋានសាងសង់មន្ទីរពេទ្យសាកលវិទ្យាល័យវិទ្យាសាស្រ្តសុខាភិបាល»នៅព្រឹកថ្ងៃទី១០ ខែធ្នូ ឆ្នាំ២០២៤ សម្តេចធិបតី ហ៊ុន ម៉ាណែត បានថ្លែងថា សេវាសុខាភិបាលគឺជារឿងចាំបាច់របស់ប្រជាពលរដ្ឋ ដូច្នេះហើយរាជរដ្ឋាភិបាលបានដាក់ចេញមុខព្រួញមួយចំនួនក្នុងរយៈពេល ១២ ខែមកនេះដែលបន្តពីអណត្តិមុនៗ និងបន្តតទៅមុខទៀតដើម្បីបង្កើនគុណភាពនៃសេវាសុខាភិបាលមានដូចជា៖
ទី១-ការកសាង និងការពង្រឹងប្រព័ន្ធសុខាភិបាល
ទី២-ការបំពាក់ឧបករណ៍ និងសម្ភារៈឱ្យទំនើប
ទី៣-ថ្នាំសង្កូវ និងបរិក្ខា
ទី៤-មនុស្ស (បរិមាណ គុណភាព ក្រមសីលធម៌វិជ្ជាជីវៈ)
ទន្ទឹមនឹងនេះដែរ សម្តេចធិបតី ហ៊ុន ម៉ាណែត បានណែនាំឱ្យមានការរឹតបន្តឹងលើការផ្តល់សេវារបស់គ្រឹះស្ថានសុខាភិបាលឯកជន និងអនុវត្តឱ្យបានត្រឹមត្រូវតាមលក្ខខណ្ឌសេវា។ សម្តេចធិបតីបានបន្ថែមថា ការពង្រឹងនូវការគ្រប់គ្រងថ្នាំសង្កូវ ចំណីអាហារត្រឹមត្រូវតាមគុណភាព ធានាបាននូវប្រសិទ្ធភាព គឺជារឿងសំខាន់ចំពោះសុខភាព៕
ដោយ ៖ សិលា
