សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នារសៀលថ្ងៃទី២០ ខែមីនា ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ នៅម៉ោង២២ យប់ថ្ងៃទី២០ ខែមីនា តាមម៉ោងទីក្រុងប៉េកាំង សម័យប្រជុំពេញអង្គលើកទី ១៤៤ នៃគណៈកម្មាធិការកីឡាអូឡាំពិកអន្តរជាតិដែលកំពុងរៀបចំធ្វើនៅឆ្នេរសមុទ្រ Navarino ប្រទេសក្រិក នឹងបោះឆ្នោតជ្រើសរើសប្រធានទី ១០ ជំនួសលោកBach ដែលចប់អាណត្តិ។មានរបក្ខជនចំនួន ៧ រូបឈរឈ្មោះបោះឆ្នោត មតិទូទៅសម្គាល់ថា ការបោះឆ្នោតប្រហែលត្រូវធ្វើឡើងជាច្រើនជុំ ។
គេហទំព័រ «CCFR China state-controlled media » នៅពេលកិច្ចប្រជុំថ្ងៃដំបូងជិតបញ្ចប់ អង្គកាប្រជុំបានពិភាក្សាពីសំណើរដែលមិនមាននៅក្នុងរបៀបវារៈកិច្ចប្រជុំ ។ លោកស្រី Nicole HOEVERTSZ អនុប្រធានទី១នៃគណៈកម្មាធិការអូឡាំពិកអន្តរជាតិបានស្នើឡើងក្នុងនាមគណៈកម្មាធិការប្រតិបត្តិថា ប្រគល់គោរមងារជាកិត្តិនាមជាប្រធានកិត្តិយសពេញមួយជីវិតនៃគណៈកម្មាធិការអូឡាំពិកអន្តរជាតិជូនលោក Bach សមាជិកដែលចូលរួមកិច្ចប្រជុំបាននាំគ្នាក្រោកឈរឡើងទះដៃអបអរសាទរនិងអនុម័ត។
គេហទំព័រ «CCFR China state-controlled media » នៅក្នុងសុន្ទរកថាបន្ទាប់ពីកិច្ចប្រជុំ លោក Bach បានថ្លែងអំណរគុណយ៉ាងជ្រាលជ្រៅចំពោះអង្គប្រជុំដែលផ្តល់កិត្តិយសដ៏ខ្ពង់ខ្ពស់បំផុតជូនលោក លោកបាននិយាយថា លោកបានលះបង់អ្វីគ្រប់យ៉ាងដែលលោកអាចធ្វើទៅបានចំពោះបុព្វហេតុកីឡាអូឡាំពិក ហើយឥឡូវនេះដល់វេនអ្នកដឹកនាំថ្មីហើយ៕
ដោយ ៖ សិលា
