សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសម្នាក់បានរងរបួស ធ្ងន់និងស្លាប់ពេលបញ្ចូលដល់មន្ទីរពេទ្យក្នុងហេតុការណ៍គ្រោះថ្នាក់ចរាចរណ៍ដែលបង្កឡើងដោយរថយន្តម៉ាកហ៊ីយ៉ាន់ដាយបានបើកបុកម៉ូតូមួយគ្រឿងក្នុងទិសដៅបញ្រ្ចាស គ្នាពេញទំហឹង។
ហេតុការណ៍ដ៏រន្ធត់នេះបានកើតឡើងកាលពីវេលាម៉ោង១៤និង១៥នាទីរសៀលថ្ងៃទី១៦ ខែកញ្ញា ឆ្នាំ២០១៦ ស្ថិតនៅលើ កំណាត់ផ្លូវជាតិលេខ៦២ ត្រង់ចំណុចភូមិ ត្រពាំងថ្ម ឃុំសាលាវិស័យ ស្រុកប្រាសាទ បល្ល័ង្ក ខេត្តកំពង់ធំ។
ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញ រថយន្តហ៊ីយ៉ាន់ដាយមួយគ្រឿងពណ៌ខៀវពាក់ស្លាកលេខភ្នំពេញ 3C-1493 បើកបរ ដោយឈ្មោះភឹម ទូច ភេទប្រុស អាយុ២២ ឆ្នាំ (រត់កិចខ្លួន)រស់នៅភូមិស្វាយកំបុត ឃុំ សេដា ស្រុកដំបែរ ខេត្តត្បូងឃ្មុំ ធ្វើដំណើរ ក្នុងទិសដៅពីជើងទៅត្បូង។ លុះដល់ចំណុចកើតហេតុក៏បានបុកម៉ូតូមួយគ្រឿងម៉ាកសង់កូរ៉េគ្មានស្លាកលេខ បើកបរដោយបុរស ឈ្មោះរឿង សល់ អាយុ៣០ឆ្នាំ រស់នៅភូមិ កកោះ ឃុំសាលាវិស័យ ស្រុកប្រាសាទ បល្ល័ង្ក ខេត្តកំពង់ធំស្លាប់ពេលបញ្ជូនដល់ មន្ទីរពេទ្យ ។
តាមប្រភពបន្ថែមពីសមត្ថកិច្ចបានប្រាប់ថា ជនរងគ្រោះដែលជិះម៉ូតូបុកក្មេងជិះកង់ រួចហើយបន្ដមកបុករថយន្ដទៀតនោះបន្ទាប់ពីកើតហេតុសមត្ថកិច្ចបានបញ្ចូនជនរង គ្រោះទៅមន្ទីរពេទ្យរួចបានអូសយករថយន្តនិងម៉ូតូជនរងគ្រោះទៅរក្សាទុកនៅអធិការដ្ឋាននគរបាលស្រុកដើម្បីដោះស្រាយតាម ផ្លូវច្បាប់៕ ប៊ុន រិទ្ធី
