បង្ក្រាបគ្រឿងញៀននៅខណ្ឌមានជ័យឃាត់ខ្លួន ប្រុស ស្រីជិត១០នាក់ 

ភ្នំពេញ៖ កម្លាំងសមត្ថកិច្ចបានចុះបង្ក្រាបគ្រឿងញៀននៅក្នុងខណ្ឌមានជ័យ ដោយលទ្ធផលឃាត់ខ្លួនជនសង្ស័យប្រុស ស្រីជិត១០នាក់ ។

ករណីនេះបានធ្វើឡើងកាលពីថ្ងៃទី១៧ ខែកញ្ញា ឆ្នាំ២០១៦ វេលាម៉ោង០៤និង៣០នាទី ទៀបភ្លឺនៅចំណុច ផ្លូវលេខ៣១បេតេ ក្រុមទី០១ ភូមិ សន្សំកុសល៤ សង្កាត់ បឹងទំពុន ខណ្ឌមានជ័យ  រាជធានីភ្នំពេញ ។

តាមប្រភពព័ត៌មានបានឲ្យដឹងថា នៅអំឡុងពេលខាងលើ កម្លាំងល្បាតនគរបាលប៉ុស្តិ៍បឹងទំពុន បានសហការជាមួយកម្លាំងការិយាល័យព្រហ្មទណ្ឌកំរិតធ្ងន់ និង កម្លាំងអន្តរាគមន៍ពិសេស នៃស្នងការដ្ឋាននគរបាលរាជធានីភ្នំពេញ បានឃាត់ខ្លួនជនសង្ស័យ០១នាក់ ពីបទជួញដូរ និង ប្រើប្រាស់ដោយខុសច្បាប់នូវសារធាតុញៀន ដែលមានឈ្មោះ សុទ្ធ វិចិត្រ ហៅ ជ្រូក ភេទ ប្រុស អាយុ ១៨ ឆ្នាំ មុខរបរ និង ទីលំនៅ មិនប្រាកដ ។

លុះមកដល់ថ្ងៃទី១៨ ខែកញ្ញា ឆ្នាំ២០១៦ វេលាម៉ោង១៦និង៣៥នាទី នៅចំណុចផ្ទះជួលលេខ៦៣ ផ្លូវលំ ក្រុមទី១៣ ភូមិ ព្រះពន្លា សង្កាត់ ព្រែកប្រា ខណ្ឌ ច្បារអំពៅ សមត្ថកិច្ចជំនាញនៃអធិការដ្ឋាននគរបាលខណ្ឌមានជ័យបានបន្តស្រាវជ្រាវរហូតដល់ឃាត់ខ្លួនបាន ០៧នាក់ទៀត ដែលមានឈ្មោះ ៖

១-ឈ្មោះ ទី ឡាក់ហេង ភេទ ប្រុស អាយុ ២៧ ឆ្នាំ មុខរបរ លក់គ្រឿងបន្លាស់ទូរស័ព្ទដៃ ស្នាក់នៅផ្ទះជួលលេខ៦៣ ផ្លូវលំ ក្រុមទី១៣ ភូមិ ព្រះពន្លា សង្កាត់ ព្រែកប្រា ខណ្ឌ ច្បារអំពៅ (ឃាត់ខ្លួន) ។

២-ឈ្មោះ ឌឹម សុជាតា ភេទ ស្រី អាយុ ២១ ឆ្នាំ មុខរបរ អ៊ុតសក់ ស្នាក់នៅផ្ទះជួលលេខ៦៣ ផ្លូវលំ ក្រុមទី១៣ ភូមិ ព្រះពន្លា សង្កាត់ ព្រែកប្រា ខណ្ឌ ច្បារអំពៅ (ឃាត់ខ្លួន) ។

៣-ឈ្មោះ គាំ ប៊ុនសែនឌី ហៅ តាហ្វា ភេទ ប្រុស អាយុ ១៨ ឆ្នាំ មុខរបរ សិស្សវិទ្យាល័យហ៊ុនសែនប៊ុនរ៉ានីផ្សារដើមថ្កូវស្នាក់នៅផ្ទះគ្មានលេខ ផ្លូវលំ ភូមិ ត្នោតជ្រុំ សង្កាត់ បឹងទំពុន ខណ្ឌ មានជ័យ (ឃាត់ខ្លួន) ។

៤-ឈ្មោះ ជួ វីរៈ ភេទ ប្រុស អាយុ ១៧ ឆ្នាំ មុខរបរ បុគ្គលិកកាស៊ីណូប៉ោយប៉ែត ស្នាក់នៅផ្ទះគ្មានលេខ ផ្លូវលំ សង្កាត់ ដើមស្រស់ ក្រុង ប៉ោយប៉ែត ខេត្ត បន្ទាយមានជ័យ (ឃាត់ខ្លួន) ។

៥-ឈ្មោះ ដួង វិចិត្រ ភេទ ប្រុស អាយុ ១៧ ឆ្នាំ មុខរបរ សិស្សវិទ្យាល័យដូនសរស្នាក់នៅផ្ទះគ្មានលេខ ផ្លូវលំ ភូមិ ដូនសរ ឃុំ ដូនសរ ស្រុក ស្វាយជ្រុំ ខេត្ត ស្វាយរៀង (ឃាត់ខ្លួន) ។

៦-ឈ្មោះ ទូ ពិសី ភេទ ប្រុស អាយុ ២៥ ឆ្នាំ មុខរបរ បើកបររថយន្ត ស្នាក់នៅផ្ទះលេខ៧១ ផ្លូវលេខ ១៩២ សង្កាត់ ទឹកល្អក់៣ ខណ្ឌ ទួលគោក (ឃាត់ខ្លួន) ។

៧-ឈ្មោះ ម៉ៅ ធារ៉ា ភេទ ប្រុស អាយុ ២៨ ឆ្នាំ មុខរបរ សិស្ស ស្នាក់នៅផ្ទះជួល ផ្លូវលំ ភូមិ ព្រែកទាល់ សង្កាត់ ស្ទឹងមានជ័យ ខណ្ឌ មានជ័យ (ឃាត់ខ្លួន) ។

ជាមួយគ្នានេះដែរ សមត្ថកិច្ចបានចាប់យកវត្ថុតាងរួមមាន៖ ក្រាមពណ៍សថ្លាចំនួន ០១កញ្ចប់ធំ និង ០៦ កញ្ចប់តូច,ម៉ូតូ០១ គ្រឿងម៉ាកនិច ពណ៍ខៀវ ពាក់ស្លាកលេខ ភ្នំពេញ1FQ 8523 , ជញ្ជីងថ្លឹង អេឡិចត្រូនិចចំនួន២, លុយខ្មែរ៥០,០០០០រៀល និង សំបកថង់ប្លាស្ទិចមួយចំនួនទៀត ។

បច្ចុប្បន្នជនសង្ស័យខាងលើ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង ៕