សារព័ត៌មាន នគរវត្ត តែងតែនាំមុខគេជានិច្ច
ក្រោយពេលចិនបានក្លាយទៅជាប្រទេស ដែលមានសេដ្ឋកិច្ចទី២នៅលើពិភពលោក ហើយចិនបានផ្តល់ជំនួយជាច្រើននៅជុំវិញ ពិភពលោកតាមរយៈ IMF ទាំងនោះហើយ បានធ្វើឲ្យស្ថាប័ននេះសម្រេចដាក់ប្រាក់យ័ន ចិនក្នុងចំណោមរូបិយប័ណ្ណគោលធំៗរបស់ IMF។
សូមបញ្ជាក់ថា ការបញ្ចូលប្រាក់យ័នជារូបិយប័ណ្ណគោលអន្តរជាតិនេះគឺធ្វើឡើងនៅថ្ងៃទី១ ខែតុលា ដែលជាថ្ងៃបុណ្យខួបនៃការកសាងរបបសាធារណរដ្ឋប្រជា មានិតចិន។ ធនាគារមជ្ឈិមប្រជាមានិតចិន បានចេញសេចក្តីប្រកាសអបអរដំណឹង នេះ ហើយបានបញ្ជាក់ថា ដំណឹងនេះមាន ន័យថា វាគឺជាលទ្ធផលនៃការអភិវឌ្ឍសេដ្ឋកិច្ចព្រមទាំងលទ្ធផលនៃការធ្វើកំណែទម្រង់ ប្រព័ន្ធហិរញ្ញវត្ថុទីផ្សារសេរីរបស់ចិន។ ធនា គារកណ្តាលចិនបន្ថែមថា វាក៏ជាឱកាស ដែលចិនត្រូវធ្វើកំណែទម្រង់ឲ្យបានស៊ី ជម្រៅថែមទៀត។
ក្រដាសប្រាក់យ័នរបស់ចិនបានចូលជាស្ថាពរទៅក្នុងចំណោមរូបិយប័ណ្ណគោល របស់មូលនិធិរូបិយវត្ថុអន្តរជាតិនៅថ្ងៃសៅរ៍ ទី១ ខែតុលានេះ។ រូបិយប័ណ្ណចិនដែលត្រូវ បានទទួលស្គាល់ជាអន្តរជាតិនេះមានន័យថា ចិនបានក្លាយជាមហាអំណាចសេដ្ឋកិច្ចពិភពលោកពេញលក្ខណៈ។ តែយ៉ាងណា កាលៈទេសៈថ្មីនេះ គឺចិនត្រូវមានកាតព្វកិច្ច ធ្វើកំណែទម្រង់ប្រព័ន្ធធនាគារ និងហិរញ្ញ វត្ថុរបស់ខ្លួនឲ្យមានតម្លាភាព និងច្បាស់ លាស់ដើម្បីធានាទំនុកចិត្តពីសំណាក់ប្រព័ន្ធ ហិរញ្ញវត្ថុអន្តរជាតិ។
ប្រាក់យ័នបានក្លាយជារូបិយប័ណ្ណអន្តរជាតិក្នុងចំណោមរូបិយប័ណ្ណគោលធំៗ នៃ មូលនិធិរូបិយវត្ថុអន្តរជាតិមានដូចជា ប្រាក់ ដុល្លារអាមេរិក ប្រាក់អឺរ៉ូរបស់អឺរ៉ុប ប្រាក់ ស្ទែរលីងរបស់អង់គ្លេស និងប្រាក់យ៉េនរបស់ ជប៉ុន។ ការចាត់បញ្ចូលជាក្រដាសប្រាក់គោលអន្តរជាតិនេះមានន័យថា ចាប់ពីពេល នេះទៅគេអាចធ្វើការបោះពុម្ពពិសេសនូវក្រដាសប្រាក់យ័ននេះដើម្បីផ្តល់ជំនួយឬម្ចី ទៅឲ្យប្រទេសណាមួយដែលផ្តល់ឲ្យដោយ មូលនិធិរូបិយវត្ថុអន្តរជាតិ។ បន្ថែមពីលើនេះទៀតធនាគារធំៗទាំងអស់ត្រូវមានតម្កល់ សាច់ប្រាក់យ័ននៅក្នុងរតនាគាររបស់ខ្លួន។
យោងតាមអ្នកវិភាគឲ្យដឹងថា ការណ៍ដែលប្រាក់យ័នចិនត្រូវចាត់បញ្ចូលទៅក្នុងរូបិយប័ណ្ណគោលនៃ IMF គឺគ្មានផលវិបាកអ្វីធំដុំទៅលើទីផ្សារទេ តែទន្ទឹមគ្នានេះចិនត្រូវមានកាតព្វកិច្ចជាច្រើនក្នុងការបង្ហាញតម្លាភាពក្នុងការគ្រប់គ្រងរូបិយប័ណ្ណរបស់ខ្លួន ព្រោះពីពេលនេះទៅប្រាក់យ័ននឹងត្រូវតម្កល់ទុកឬប្រើប្រាស់នៅតាមធនាគារធំៗនានា។ ដូច្នេះប្រាក់យ័ននឹងត្រូវគេតាមដាន យ៉ាងជាប់ស្អិត។
យ៉ាងណាមិញអ្នកវិភាគទីផ្សារមួយចំនួន ទៀតបន្ថែមថា IMF ចាត់បញ្ចូលប្រាក់យ័នទៅក្នុងរូបិយប័ណ្ណគោលនេះគឺវាគ្រាន់តែជានិមិត្តរូបធ្វើឲ្យគ្រាន់តែល្អមើលប៉ុណ្ណោះ។ ធាតុពិតប្រាក់យ័នរបស់ចិននៅមិនទាន់គោរពទៅតាមលក្ខខណ្ឌអន្តរជាតិទេ ដោយ សារគេមិនអាចចាយវាយប្រាក់យ័នដោយសេរីនៅឡើយ ហើយមួយទៀតនៅក្នុងជំនួញ ទិញដូរអន្តរជាតិឬក៏នៅលើទីផ្សារហិរញ្ញ វត្ថុអន្តរជាតិក៏គេនៅមិនទាន់ប្រើប្រាស់យ័ន របស់ចិនដែរ។
ដូចគ្នានេះដែរលោក Jack Lew រដ្ឋ មន្ត្រីក្រសួងហិរញ្ញវត្ថុសហរដ្ឋអាមេរិកបាន មានប្រសាសន៍ថា ប្រាក់យ័នចិនមានចំណុច ខ្សោយច្រើនណាស់ តែការផ្តល់កិត្តិយស ឲ្យចិននាពេលនេះគឺដើម្បីឆ្លើយតបទៅនឹងការប្រឹងប្រែងធ្វើកំណែទម្រង់របស់ចិន ក្នុងរយៈពេលជាង១០ឆ្នាំមកនេះ៕ សាធី
