សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលខណ្ឌពោធិ៍សែនជ័យ រួមជាមួយកម្លាំងនគរបាលប៉ុស្តិ៍ចោមចៅ ឃាត់ខ្លួនជនសង្ស័យ២នាក់ រកឃើញថ្នាំញៀន៣កញ្ចប់តូច ឧបករណ៍សម្រាប់ជក់ និងសម្ភារៈមួយចំនួនទៀត កាលពីវេលាម៉ោង១១ព្រឹក ថ្ងៃទី២៤ ខែតុលា ឆ្នាំ២០១៦ ស្ថិតនៅ ភូមិថ្មគោល សង្កាត់ចោមចៅ ខណ្ឌពោធោធិ៍សែនជ័យ ។
ជនសង្ស័យ ទាំង២នាក់ ទី១ ឈ្មោះ ឈួន ពិណូ ភេទប្រុស អាយុ១៩ឆ្នាំ មានទីលំនៅភូមិថ្មគោល សង្កាត់ចោមចៅ ខណុឌពោធិ៍សែនជ័យ មានស្រុកកំណើត សង្កាត់ស្ទឹងមានជ័យ ខណ្ឌមានជ័យ ២ ឈ្មោះ កែវ ណារ៉ូ ភេទប្រុស អាយុ២០ឆ្នាំ មានទីលំនៅផ្ទះជួល ភូម៨ប៉េសេ សង្កាត់ទឹកថ្លា ខណ្ឌសែនសុខ មានស្រុកកំណើត សង្កាត់បឹងសាឡាង ខណ្ឌទួលគោក ។ នៅកន្លែងកើតហេតុ សមត្ថកិច្ចរកឃើញថ្នាំញៀនចំនួន៣កញ្ចប់តូច ឧបករណ៍សម្រាប់ជក់គ្រឿងញៀន ថង់វេចខ្ចប់មួយចំនួនទៀត ដែលជ្រុះនីកន្លែងកើតហេតុ ។
តាមនគរបាលបានឲ្យដឹងថា បន្ទាប់ពីមានកិច្ចសហការណ៍ល្អជាមួយបងប្អូនប្រជាពលរដ្ឋក្នុងមូលដ្ឋាន ហើយបានរាយការណ៍ ត្រង់ចំណុចខាងលើ កើតមាន ការប្រមូលផ្តុំជក់គ្រឿងញៀន ក្រោយពីទទួលបញ្ជាពី លោក យឹម សារ៉ាន់ អធិការខណ្ឌពោធិ៍សែនជ័យ ទប់ស្កាត់ និងបង្ក្រាបរាល់បទល្មើសផ្សេងៗ ក្នុងមូលដ្ឋាន ដើម្បីនាធាបាននូវសន្តិសុខ សុវត្តិភាពក្នុងមូលដ្ឋានទើបនៅវេលាម៉ោងខាងលើ កម្លាំងនគរបាល ចុះស្រាវជ្រាវ ចាប់ដល់កន្លែង ដែលក្រុមអ្នកសេពគ្រឿងញៀន ប្រមូលផ្តុំគ្នាជក់គ្រឿងញៀន ឃាត់ខ្លួនបាន២នាក់ និងរកឃើញថ្នាំញៀន សម្ភារៈមួយចំនួន នៅកន្លែងកើតហេតុ ។
ក្រោយពីឃាត់ខ្លួនបានជនសង្ស័យ ប្រើប្រាស់គ្រឿងញៀន បាន២នាក់ នាំខ្លួនសាកសួរ នៅកសាងសំណុំរឿង បញ្ជូនទៅផ្នែកជំនាញអធិការដ្ឋានខណ្ឌ ចាត់ការបន្តទៅតាមនីតិវិធី ៕ សុខាសែនជ័យ
