សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រនាំងដែកពុះចែកទ្រូងផ្លូវ១៥ផ្ទាំងបានបាក់រាយប៉ាយពេញផ្លូវ ដោយសារតែនារីម្នាក់បើករថយន្តឡិចស៊ីស ជីអេស ៣០០ ក្នុងល្បឿនយ៉ានលឿនបុករះពេញទំហឹង និងជ្រុលទៅបុករុឺម៉កម៉ូតូកង់បី២គ្រឿងទៀតខ្ទេច ហើយគៀបដើមឈើទៅមុខលែងរួច សំណាងល្អមិនបង្កគ្រោះថ្នាក់ដល់នណាម្នាក់នោះទេ ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១០នឹង៤៥នាទីយប់ថ្ងៃទី២៤ ខែតុលា ឆ្នាំ២០១៦ នៅចំណុចមុខក្រុមហ៊ុនឆ្នោត LOTTERIA តាមបណ្តោយផ្លូវព្រះមុន្នីវង្ស ស្ថិតក្នុងសង្កាត់បឹងរាំង ខណ្ឌដូនពេញ ។
បើតាមសាក្សីដែលបានឃើញហេតុការណ៍បានអោយដឹងថា មុនពេលកើតហេតុគេបានឃើញរថយន្តម៉ាក ឡិចស៊ីស ជីអេស ៣០០ ពាក់ស្លាកលេខ ភ្នំពេញ ២Q ៧៩០៨ បើកដោយនារីម្នាក់តាមបណ្តោយផ្លូវព្រះមុន្នីវង្សពីត្បូងទៅជើងក្នុងល្បឿនយ៉ាងលឿន ពេលមកដលចំណុចមុខក្រុមហ៊ុនឆ្នោត LOTTERIA បានបុកគំរបលូ ហើយបានថយរថយន្តមួយជុំបុករះរនាំងដែកពុះចែកទ្រូងផ្លូវបាក់អស់១៥ផ្ទាំង ធ្លាយពីម្ខាងទៅម្ខាងទៅបុករ៉ឺម៉កកង់បី ដែលឈប់ចតលើចិញ្ចើមផ្លូវ២គ្រឿងទៀតខូចខាតខ្ទេច ហើយរងយន្តគៀបជាប់ដើមឈើទៅមុនលែងរួច សំណាងមិនបណ្តាលអោយនណារម្នាក់រងរបួសនោះទេ ហើយបន្ទាប់ពីបង្កហេតុនារីម្ចាស់រថយន្តបានចុះពីលើរថយន្តគេចខ្លួនបាត់ ។
ក្រោយមកសមត្ថកិច្ចបានចុះមកវាស់វែង និងស្ទូចយករថយន្តបង្ក និងរ៉ឺម៉កដែលខូចខាតទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយនាពេលក្រោយ ៕ ព្រែកជ័យ
