សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន ៣៧ ក្នុងទំហំទុនវិនិយោគសរុប ២៤៦ លានដុល្លារ និងបង្កើតឱកាសការងារ ១៩ ពាន់កន្លែង នៅក្នុងខែតុលា ឆ្នាំ ២០២៦។
ក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា ក្នុងចំណោមគម្រោងទាំង ៣៧ គម្រោងដែលត្រូវបានចុះបញ្ជីដោយក្រុមប្រឹក្សាអភិវឌ្ឍន៍កម្ពុជា មានចំនួន ២៤ គម្រោង ក្នុងទំហំទុន ២០៥ លានដុល្លារ និងបង្កើតការងារ ១១ ពាន់កន្លែង។
គួរជម្រាបជូនថា គម្រោងដែលត្រូវចុះបញ្ជីដោយអនុគណៈកម្មាធិការវិនិយោគរាជធានី ខេត្ត បានចុះបញ្ជីគម្រោងវិនិយោគសរុបចំនួន ១៣ ក្នុងទំហំទុន ៤១ លានដុល្លារ និងបង្កើតការងារបាន ៨ ពាន់កន្លែង។
ក្រុមប្រឹក្សាអភិវឌ្ឍន៍កម្ពុជា បានបង្ហាញថា វិស័យឧស្សាហកម្មនៅតែជាវិស័យស្នូល ក្នុងការទាក់ទាញវិនិយោគ ខណៈការវិនិយោគក្នុងតំបន់សេដ្ឋកិច្ចពេសេស និងគម្រោងវិនិយោគក្នុងវិស័យកសិកម្ម ទេសចរណ៍ និងហេដ្ឋារចនាសម្ព័ន្ធ នៅតែបន្តរួមចំណែក ដល់ការធ្វើពិពិធកម្ម សកម្មភាពសេដ្ឋកិច្ច និងបង្កើតការងារនៅកម្ពុជា៕ដោយ៖តារា
