រថយន្កដឹកស្ករមួយគ្រឿងបើកគេចរថយន្តកុងតឺន័រចតលើចិញ្ចើមផ្លូវឡើងលើសួនច្បាររង់ការខូចខាត

ភ្នំពេញៈ រថយន្តដឹកស្ករមួយគ្រឿង បើកគេចរថយន្តកុងតឺន័រដែលចតលើចិញ្ចើមផ្លូវហើយក៏ជ្រុលទៅបុកឡើងលើសួនច្បារបណ្តាលឲ្យរងការខូចខាត តែមិនមានអ្នករងរបួសទេ ។

ហេតុការណ៍នេះ បានកើ តឡើងកាលពីវេលាម៉ោង៧និង៣០នាទីយប់ ថ្ងៃទី១០ ខែវិច្ឆិកា ឆ្នាំ២០១៦ តាមបណ្តោយផ្លូវភ្នំពេញ-ហាណូយ ស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ ។

អ្នកឃើញហេតុការណ៍បានឲ្យដឹងថា មុនពេលកើតហេតុ គេឃើញមានរថយន្តដឹកស្ករមួយគ្រឿងម៉ាកហីណូ ពណ៌ខៀវ ចំណុះ១០តោន ពាក់ស្លាកលេខ ភ្នំពេញ ៣A ៥៥០៥ បើកបរក្នុងទិសដៅពីត្បូងទៅជើង តាមបណ្តោយផ្លូវភ្នំពេញ-ហាណូយ លុះមកដល់ចំណុចកើតហេតុ ដោយសារតែស្ថានភាពផ្លូវកោង ហើយមានសភាពហុយមើលផ្លូវពុំច្បាស់

អ្នកបើកបរ ក៏វាក់នឹងរថយន្តកុងតឺន័រមួយគ្រឿងទៀត ដែលចតនៅលើចិញ្ចើមផ្លូវ ពេលនោះអ្នកបើកបររថយន្តដឹកស្ករបានបួងចង្កូតគេចពីរថយន្តកុងតឺន័រនោះ បណ្តាលឲ្យជ្រុលទៅបុកនឹងសួនច្បាពុះចែកទ្រូងផ្លូវរងការខូចខាត តែមិនមានអ្នករងរបួសទេ ។

ក្រោយពេលកើតហេតុ នគរបាលចរាចរណ៍ខណ្ឌសែនសុខចុះវស់វែង និងយករថយន្តទៅអធិការដ្ឋានខណ្ឌសែនសុខដោះស្រាយនៅពេលក្រោយ៕ តុង សីហា