សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវតីអាយុ១៥ឆ្នាំម្នាក់ ចាញ់បោកការលួងលោមបុរសល្មោភកាមម្នាក់ បបួលទៅរំលោភរហូតបានសម្រេចតែត្រូវបានបែកការដល់ឪពុកយុវតីរងគ្រោះដឹង ប្តឹងសមត្ថកិច្ចឃាត់ខ្លួននៅវេលាម៉ោង ៤និង៣០នាទី ថ្ងៃទី២ ខែកុម្ភ: ឆ្នាំ២០១៧ នៅចំណុចបន្ទប់ជួលជាន់ទី៣ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោសែនជ័យ។
ជនសង្ស័យដែលឃាត់ខ្លួនឈ្មោះ វ៉ាន់ កាណាន់ អាយុ២៤ឆ្នាំ មានមុខរបរជាកម្មកររោងចក្រ ស្នាក់នៅបន្ទប់ជួលជាន់ទី៣ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ មានសស្រុកកំណើតនៅ ភូមិរនៀង ឃុំរនៀង ស្រុកត្បូងឃ្មុំ ខេត្តត្បូងឃ្មុំ។ រីឯយុវតីរងគ្រោះឈ្មោះ ស.ន អាយុ១៥ឆ្នាំ ជាសិស្ស ។
ប្រភពព័ត៌មានពីសមត្ថិកិច្ចបានអោយដឹងថា ដោយទទួលបានពាក្យបណ្តឹងពីឱពុកម្តាយនារីរងគ្រោះកាលពីថ្ងៃទី១ខែកុម្ភ: ឆ្នាំ២០១៧នេះថា ជនសង្ស័យខាងលើបានរំលោភសេពសន្ថវ:លើយុវតីរងគ្រោះរហូតបានសម្រេចនៅក្នុងបន្ទប់ជួលរបស់ជនសង្ស័យ ដោយប្រើល្បិចធ្វើជាមិនស្រួលខ្លួន ហើយបានហៅយុវតីរងគ្រោះលួងលោមអោយជួយកោសខ្យល់ រួចក៏បានធ្វើសកម្មភាព រហូតបានសម្រេចតែម្តង។
តាមចម្លើយសារភាពជនរបស់ជនសង្ស័យថា ខ្លួនពិតជាបានចាប់បង្ខំ…លើយុវតីរងគ្រោះពិតប្រាកដមែនព្រោះខ្លួននិងយុវតីរងគ្រោះក៏មានទំនាក់ទំនងស្គាល់គ្នាបាន១ខែទើបរូបខ្លួនទ្រាំមិនបានក៏សម្រេចចិត្តធ្វើបែបនេះតែម្តង។
ក្រោយពេលសមត្ថកិច្ចបានធ្វើការឃាត់ខ្លួនជនសង្ស័យខាងលើត្រូវនាំទៅប៉ុស្តិ៍នគរបាលយុត្តិធម៌ចោមចៅដើម្បីសាកសួរបន្ថែមរួចបញ្ជូនទៅអធិការដ្ឋានខណ្ឌពោធិ៍សែនជ័យចាត់ការតាមផ្លូវច្បាប់ ៕ សុខាសែនជ័យ
