សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី ១៥ ខែកុម្ភៈ ឆ្នាំ២០១៧ វេលាម៉ោង១៦និង៣៥នាទី កម្លាំងនគរបាលផ្នែកប្រឆាំងគ្រឿងញៀន នៃខណ្ឌទួលគោក រាជធានីភ្នំពេញ បានឃាត់ខ្លួនជនសង្ស័យជាអនីតីជនចំនួន០២នាក់ ពីបទជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចផ្លូវរថភ្លើង ក្រុមទី១០៦ ភូមិ ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ។
ជនសង្ស័យឈ្មោះ ចាន់ ស្រីមាស ភេទស្រី អាយុ ១៣ឆ្នាំ មុខរបរពុំពិតប្រាកដ ស្នាក់មិនពិតប្រាកដ, ឈ្មោះ សាធ ស្រីណែត ភេទស្រី អាយុ១២ឆ្នាំ មុខរបរ ពុំពិតប្រាកដ ស្នាក់ផ្ទះជួល ផ្លូវរថភ្លើង សង្កាត់បឹងកក់២ ខណ្ឌទួលគោក ។
វត្ថុតាងចាប់យកមានៈ ក្រាមពណ៌សថ្លាចំនួន៤២កញ្ចប់តូច (សង្ស័យជាគ្រឿងញៀន)។
បច្ចុប្បន្នជនសង្ស័យជាអនីតីជនកំពុឃាត់ខ្លួនជាបណ្ដោះ អាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ ស តារា
