សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ បានរងរបួសធ្ងន់ ស្រាល បន្ទាប់ពីជិះម៉ូតូឌុបគ្នាក្នុងល្បឿនលឿន ហើយជ្រុលបុករថយន្តពេញទំហឹង បណ្តាលឲ្យរងការខូចខាត កាលពីវេលាម៉ោង១១យប់ ថ្ងៃទី២៧ ខែមេសា ឆ្នាំ២០១៧ នៅចំណុចកើតហេតុ ស្តុបណានជីង តាមបណ្តោយផ្លូវលេខ១៦៩ កែងនឹងផ្លូវកម្ពុជាក្រោម ស្ថិតក្នុងសង្កាត់មិត្តភាព ខណ្ឌ៧មករា ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើត គេបានឃើញរថយន្តម៉ាកកូរូឡា ពណ៌ទឹកប្រាក់ ពាក់ស្លាកលេខ ភ្នំពេញ 2AN 5334 បើកបរដោយបុរសម្នាក់ ធ្វើដំណើរតាមបណ្តោយផ្លូវលេខ១៦៩ ក្នុងទិសដៅពីជើងទៅត្បូង ខណៈមកដល់កន្លែងកើតហេតុ ស្រាប់តែមានបុរស២នាក់ ជិះម៉ូតូម៉ាក SL ពណ៌ទឹកប្រាក់ ពាក់ស្លាកលេខ ភ្នំពេញ 1X 9333 ធ្វើដំណើរបញ្ច្រាសទិសគ្នាហើយបានទាញចង្កូតបំណងទៅតាមបណ្តោយផ្លូវកម្ពុជាក្រោម ក៏ជ្រុលបុករថយន្តពេញទំហឹងបណ្តាលឲ្យរងរបួសទាំង២នាក់ចំណែករថយន្ត និងម៉ូតូរងការខូចខាតទាំងសងខាង ។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម៉ូតូ និងរថយន្តត្រូវបានសមត្ថកិច្ចវាស់វែងយកទៅរក្សាទុកនៅអធិការនគរបាលខណ្ឌ៧មករា រង់ចាំដោះស្រាយពេលក្រោយ ៕ សុខាសែនជ័យ
