សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មនុស្សប្រុសស្រីចំនួន៤នាក់ បានរងរបួសធ្ងន់ ស្រាល ត្រូវបានបញ្ជូនទៅង្គ្រោះនៅមន្ទីរពេទ្យភ្លាមៗ ខណះជិះម៉ូតូមួយគ្រឿងឌុបគ្នាក្នុងល្បឿនលឿនហើយជ្រុលបុករថយន្តបើកឆ្លងផ្លូវ កាលពីវេលាម៉ោង៨និង៣០នាទីយប់ ថ្ងៃទី១៦ ខែឧសភា ឆ្នាំ២០១៧ នៅចំណុចមុខបូរីពិភពថ្មី ផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានអោយដឹងថា រថយន្តម៉ាក morning ពណ៌ខៀខ្ចី ពាក់ស្លាកលេខ ភ្នំពេញ2 AM 3035 បើកបរដោយបុរសម្នាក់ ធ្វើដំណើរតាមបណ្តោយផ្លូវវេងស្រេង ក្នុងទិសដៅពីកើតទៅលិចខណៈមកដល់ចំណុចកើតហេតុ ស្រាប់តែស៊ីញ៉ូបត់ឆ្វេងបំណងចូលក្នុងបូរីពិភពថ្មី ពេលបើកមកដល់ពាក់កណ្តាលផ្លូវ ស្រាប់តែមានម៉ូតូហុងដាឌ្រឹមសង់ ស៊េរីឆ្នាំ២០០៨ ពណ៌ខ្មៅ ពាក់ស្លាកលេខ ភ្នំពេញ 1Y 6032 បើកបរដោយបុរសម្នាក់ និងឌុបនារីចំនួន៣នាក់ទៀតពីក្រោយបើកក្នុងល្បឿនលឿន ទើបចាប់ហ្វ្រាំងមិនទាន់ ក៏ជ្រុលបុករថយន្តចំពីចំហៀងក្បាលរថយន្តបណ្តោអោយបោកខ្ទប់ និងរថយន្តរងរបួសធ្ងន់ ស្រាល ចំណែកម៉ូតូ និងរថយន្តរងការខូចខាតយ៉ាងដំណុំ ។
ក្រោយពេលកើតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាម រីឯរថយន្ត និងម៉ូតូត្រូវបានសមត្ថកិច្ចមូលដ្ឋានទំនាក់ទំនងហៅជំនាញចរាចរណ៍ខណ្ឌពោធិ៍សែនជ័យរង់ចាំដោះស្រាយពេលក្រោយ ៕ សុខាសែនជ័យ
