រថយន្តធុនធំ២គ្រឿងបុកគ្នាលាន់ដូចរន្ទះ បណ្តាលឲ្យមនុស្សរងរបួសធ្ងន់ម្នាក់

ខេត្តព្រះសីហនុ៖ រថយន្តធុនធំ២គ្រឿងបុកគ្នាលាន់ដូចរន្ទះ បណ្តាលឲ្យមនុស្សរងរបួសធ្ងន់ម្នាក់ នៅចំណោតលោកយាយម៉ៅ កាលពីវេលាម៉ោង៧យប់ ថ្ងៃទី០១ មិថុនា ឆ្នាំ២០១៧។

សមត្ថកិច្ចបានអោយដឹងថា នៅវេលាកើតហេតុមាន ករណីគ្រោះថ្នាក់ចរាចរណ៍កើតឡើងរវាងកុងតឺនឺ ស្លាកលេខ កំពង់ធំ 3A 1217 បើកបរដោយឈ្មោះ ញ៉ាង រស្មី ភេទប្រុស អាយុ27ឆ្នាំ ក្នុងទិសដៅចូលក្រុងបានបុកគ្នាជាមួយរថយន្តដឹកដី ម៉ាក ហ៊ីយ៉ាន់ដាយពណ៍ស ពាក់ស្លាកលេខព្រះសីហនុ 3A 1515ក្នុងទិសដៅចេញពីក្រុងព្រះសីហនុ បណ្ដាលអោយអ្នកបើកបររថយន្តសណ្ដោងរឺម៉ករងរបួសធ្ងន់ បានបញ្ជូនទៅសង្គ្រោះនៅគ្លីនិកមិត្តភាព ចំណែកអ្នកបើកបររថយន្តម្ខាងទៀត រត់គេចខ្លួនបាត់។

ជុំវិញហេតុការណ៍នេះពុំមានម្នាក់អះអាងថា ភាគីណាជាអ្នកណាជាអ្នកត្រូវនោះទេ។ រីឯវត្ថុតាង រថយន្ត 2គ្រឿងបានយកមករក្សាទុកនៅការិយាល័យនគរបាលចរាចរណ៍ផ្លូវគោក៕ ឆ្លាមសមុទ្រ