សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ ម្នាក់បន្លំលួចទួរស័ព្ទនៅក្នុងក្លុបម៉ូតូ ដែលចតទុកចោលតាមផ្លូវកន្លែងលក់កាហ្វេ ក៏ត្រូវម្ចាស់ឃើញទាន់ស្រែកថា ចោរៗទើបសមត្ថកិច្ចអន្តរាគមន៏ក្រុងនៅក្បែរនោះចាប់ ប្រគល់នគរបាល ប៉ុស្តិ៍ផ្សារដើមថ្កូវនៅវេលាម៉ោង១នាទី៣០នាទី ថ្ងៃទី៦ ខែកក្កដា ឆ្នាំ២០១៧ នៅចំណុច លក់កាហ្វេមួយកន្លែង ផ្លូវលេខ៤៨៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ជន សង្ស័យ មានឈ្មោះ ថន ដារា ភេទប្រុស អាយុ១៧ឆ្នាំ មុខរបរកម្មករសំណង ស្នាក់នៅសង្កាត់ចោមចៅ ខណ្ឌពោធិសែនជ័យ ។ ជនរងគ្រោះឈ្មោះ ស សំនួរ ភេទប្រុស អាយុ២៣ឆ្នាំ ស្នាក់នៅម្ដុំសង្កាត់ទួលទំពួង១ ខណ្ឌចំការមន។
តាម ប្រភព ព័ត៌មាន ពីជនរងគ្រោះបាន ប្រាប់ ឱ្យ ដឹង ថា មុនពេលកើតហេតុ រូបគាត់ជាអ្នកលក់កាហ្វេនៅតាមផ្លូវ កើតហេតុខាលើមួយស្ទុះក្រោយមក ក៏ស្រាប់តែមានជនសង្ស័យខាងលើបានជិះម៉ូតូមកទិញកាហ្វេហើយស្ទុះមកមើល ក៏ស្រាប់តែឃើញជនសង្ស័យម្នាក់បានបន្លំលួចយកទួរស័ព្ទដៃ ពេលនោះជនរងគ្រោះក៏ស្រែកថា ចោរៗក៏ដេញតាមពីក្រោយរហូតដល់ខាងក្រោយចៃដន្យពេលនោះ ក៏ត្រូវ សមត្ថកិច្ចអន្តរាគមន៏ក្រុងនៅក្បែរនោះឃើញជនសង្ស័យម្នាក់ជិះម៉ូតូម៉ាកធូដេ មួយគ្រឿង ពណ៌ ស ពាក់ស្លាកលេខ ភ្នំពេញ 1CU.0258 ក៏ដេញចាប់ភ្លាមៗតែម្តង។
ក្រោយ ពេល កើតហេតុ ជនសង្ស័យ ត្រូវ បាន សមត្ថកិច្ច នាំ ទៅ កាន់ ប៉ុស្តិ៍ នគរបាល រដ្ឋបាល ផ្សារដើមថ្កូវសាកសួរ និង កសាង សំណុំរឿង បញ្ជូន ទៅ អធិការដ្ឋាន នគរបាល ខណ្ឌចំការមន ដើម្បី ចាត់ការ បន្ត តាម ច្បាប់៕ ស រស្មី
