សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យស្រវឹងស្រាបើករថយន្តបុកទ្រូងផ្លូវខូចអស់ចំនួន៤កង់ ហើយរថយន្តខូចខាតមួយចំហៀងដាច់កាឡេជាង១០ម៉ែត្របើកទៅមុខលែងរួច ម្ចាស់រថយន្តរត់គេចខ្លួនបាត់។ហេតុការណ៍នេះបង្កឲ្យមានការភ្ញាក់ផ្អើលកាលវេលាម៉ោង ៤ទាបភ្លឺថ្ងៃទី១៧ខែកក្តដាឆ្នាំ២០១៧ស្ថិតនៅតាមបណ្តោយផ្លូវជាតិលេខ៤នៅក្រោមស្ពានអាកាសទី២ផ្សារជម្ពូវន្តក្នុងភូមិជម្ពូវ័ន្តសង្កាត់ចោមចៅខណ្ឌពោធិ៍សែនជ័យ។
តាមប្រភពព៌ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេរថយន្តបង្កម៉ាកហុីយ៉ាន់ដាយ ពណ៌សពាក់ស្លាក់លេខ ភ្នំពេញ 2AL6910ធ្វើដំណើរក្នុងទិសដៅពីលិចទៅកើត។លុះមកដល់ចំណុចកើតហេតុស្រាប់តែរ៉េចង្កូតទៅបុកទ្រូងផ្លូវបណ្ដាលឲ្យខូចខាតអស់ចំនួន៤កង់ តែរថយន្តបង្កហេតុមិនព្រមឈប់នោះទេថែមទាំងបន្ថែមល្បឿនរហូតទៅមុខលែងរួចទើបឈប់ហើយបើកទ្វាររត់គេចខ្លួនបន្សស់ទុករថយន្តនៅកន្លែងកើតហេតុ។
ក្រោយពីកើតហេតុគេឃើញកម្លាំងនគរបាលមូលដ្ឋានចុះទៅកន្លែងកើតហេតុដើម្បីធ្វើចរាចរណ៍ព្រមទាំងទំនាក់ទំនងកម្លាំងនគរបាលនៃស្នងការក្រុងធ្វើការវាស់វែងស្ទូចរថយន្តយកទៅរក្សាទុករង់ចាំការដោះស្រាយនៅពេលក្រោយ ៕ សុខាសែនជ័យ
