សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្តិ៍ស្រះចក សហការជាមួយនគរបាលខណ្ឌដូនពេញ បានបន្តចុះបង្រ្កាបករណីជួញដូរគ្រឿងញៀន នៅតំបន់បឹងកក់ តាមផ្លូវរថភ្លើងជាក់ស្តែងកាលពីវេលាម៉ោង១១នឹង៤០នាទីព្រឹកថ្ងៃទី២៥ ខែកក្តដាឆ្នាំ២០១៧ នៅចំណុចភូមិ៣ សង្កាត់ស្រះចក ខណ្ឌដូនពេញ ជាលិទ្ធផលឃាត់ខ្លួន
ស្រ្តីមេខ្លោងជួញដូរគ្រឿងញៀននៅតំបន់បឹងកក់ម្នាក់ ពីបទចែកចាយនឹងប្រើប្រាស់ដកហូតបានគ្រឿងញៀនចំនួន១កញ្ចប់ធំ ។
ជនសង្ស័យមានឈ្មោះ ភិន លីដា ភេទស្រី ឆ្នាំ៣១ឆ្នាំ មានមុខរបរមិនពិតប្រាកដ ស្នាក់នៅផ្ទះជួលជិតសាលាសន្ធរមុខ ខណ្ឌទួលគោក ។
តាមប្រភពពត៌មានពីលោក កាន់ វណ្ណះ នាយប៉ុស្តិ៍នរគបាលរដ្ឋបាលស្រះចក បានឲ្យដឹងថាស្រ្តីម្នាក់នេះគឺជាមុខសញ្ញារលក់ថ្នាំញៀនយ៉ាងសកម្មនៅក្នុងមូលដ្ឋានរបស់គាត់ក្រោយពីមានការរាយការណ៌ពីប្រជាពលរដ្ឋសមត្ថកិច្ចបានចុះឃាត់ខ្លួននៅនឹងកន្លែងតែម្ដង ។ ក្នុងការឃាត់ខ្លួនជនសង្ស័យខាងលើសមត្ថកិច្ចបានដកហូតបានក្រាមសថ្លាមួយកញ្ចប់ធំ និងកាបូបស្ពាយជំហៀងមួយ ។
បច្ចុប្បន្នស្រ្តីជាប់សង្ស័យរួមនឹងវត្ថុតាងទាំងអស់ ត្រូវបានឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌដូនពេញ ដើម្បីចាត់ការតាមនីតិវិធី ៕ ស តារា
