សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តារាចម្រៀង Original Song ដ៏ល្បីៗរួមមាន កញ្ញាLaura Mam និងកញ្ញាNikki Nikkiបានបង្ហាញវត្តមានក្នុងរាត្រីស្រមោសរបស់ក្រុមហ៊ុនអេមីរ៉ាត់ដែលរៀបចំកន្លងទៅថ្មីៗនេះបានបង្កើតឲ្យមានការចាប់អារម្មណ៍ខ្លាំងពីសំណាក់អ្នកចូលរួមទាំងភ្ញៀវជាតិ និងអន្តរជាតិជាច្រើនរូប។
តារាចម្រៀងខ្មែរអាមេរិកាំងLaura Mam សម្តែងក្នុងពិធីស្រមោលសរបស់អេមីរ៉ាត ក្នុងសណ្ឋាគារសូហ្វីតែល កាលពីខែកក្កដាកន្លងទៅ។ កញ្ញាមានការចាប់អារម្មណ៍ខ្លាំងទៅលើស្ថាបត្យកម្មអង្គរ ហើយបច្ចុប្បន្នអាល់ប៊ុមរបស់កញ្ញា ត្រូវបានទទួលស្គាល់ជាបទនិពន្ធដោយខ្លួនឯងដែលមានចង្វាក់ធ្វីស។
តារាចម្រៀងល្បីទាំងពីរដួង ដែលកំពុងអង្រួនបេះដូងអ្នកគាំទ្រគ្រប់ស្រទាប់បានបញ្ចេញក្បាច់រាំពិសេសៗ ដើម្បីអបអរការមកដល់នៃក្រុមហ៊ុនអេមីរ៉ាតដែលភ្ជាប់ប្រទេសកម្ពុជាទៅកាន់ជាង១៥០ទិសដៅទូទាំងពិភពលោក។ កញ្ញាចាប់ផ្តើមអាជីពផ្នែកចម្រៀង ហ្គីតា និពន្ធបទចម្រៀង ជាមួយក្រុមចម្រៀងរ៉ុកThe Like Me’s ដែលមានសមាជិកជានារីដែលមានប្រជាប្រិយភាព។ ក្រៅពីល្បីល្បាញក្នុងបទចម្រៀងនាង ក៏លេចធ្លោរខ្លាំងជាមួយនឹងការសម្តែងជាច្រើនបន្តបន្ទាប់ផងដែរ។
ងាកមកមើលតារាចម្រៀងល្បីខ្មែរ Nikki Nikki ក៏បានបង្កើតបរិយាកាសរីករាយក្នុងរាត្រីស្រមោលសនាពេលល្ងាចជាមួយនឹងសំឡេងអន្ទងព្រលឹង នូវបទចម្រៀង ដែលពេញនិយមបំផុត មានការទស្សនាជាង២លានដងក្នុងកម្មវិធី យូធូប ដែលមានចំណងជើងថា «Mine»។ បទនេះត្រូវបានចាត់ចំណាត់ថ្នាក់លេខ ១ ក្នុងប្រព័ន្ធ iTunes និង ក្នុងតារាង អាស៊ីអាគ្នេយ៍។ ស្នាដៃបទចម្រៀងបរទេសរបស់នាងជាច្រើនបន្តបន្ទាប់បានទាក់ទាញការចាប់អារម្មណ៍ខ្លាំងពីទស្សនិកជន ជាមួយនឹងការសម្តែងក្នុងបទចម្រៀងដ៏ពិរោះជាច្រើនផងដែរ៕ វឌ្ឍនា
