សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បន្ទាប់ពីភ្លៀងបាន បង្អុរមួយមេធំធ្វើឲ្យ កំណាត់ផ្លូវជាតិលេខ៥ ត្រង់ចំណុចផ្សារព្រៃខ្មែរ ស្ថិតក្នុងភូមិព្រៃ ខ្មែរ ឃុំរលាប្អៀរ ប្រវែងប្រមាណ១២០ ម៉ែត្រ និងចំណុចភូមិទំនាបស្រែហង់ ឃុំ រលាប្អៀរ ប្រវែងប្រមាណ២៥ម៉ែត្រ ត្រូវទឹកភ្លៀងជន់លិចធ្វើឲ្យអ្នកដំណើរឆ្លងកាត់មានការពិបាកខ្លាំង ។
យោងទៅតាមទំព័រហ្វេសប៊ុក ផ្លូវការរបស់ក្រសួងធនធានទឹកនិងឧតុនិយមបានចេញផ្សាយថា “ភ្លៀងធ្លាក់មួយមេយ៉ាងខ្លាំង នៅក្នុងភូមិសាស្ត្រស្រុករលាប្អៀរ ខេត្ត កំពង់ឆ្នាំង នាល្ងាចថ្ងៃទី២៩ ខែសីហា ឆ្នាំ ២០១៧បានបង្កឱ្យមានទឹកហូរកាត់ពីលើផ្លូវជាតិលេខ៥ ត្រង់ចំណុចផ្សារព្រៃខ្មែរ ក្នុងភូមិព្រៃខ្មែរ ឃុំរលាប្អៀរ ប្រវែងប្រមាណ ១២០ ម៉ែត្រ និងចំណុចភូមិទំនាបស្រែហង់ ឃុំរលាប្អៀរ ប្រវែងប្រមាណ ២៥ ម៉ែត្រ” ។
តាមសេចក្តីរាយការណ៍ឲ្យដឹងថា មកដល់ថ្ងៃទី៣០ខែសីហានេះ ទឹកដែលហូរ កាត់ផ្លូវបានស្រក តែបើភ្លៀងនៅតែបន្ត ធ្លាក់ទៀត ច្បាស់ជាលិចលង់មិនខាន ៕ សហការី
