សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿងបើកឆ្លងផ្លូវបុករថយន្តហ្វតសេរ៊ីទំនើបខូចមួយចំហៀងជ្រុលធ្លាក់ប្រឡាយទឹក បុករះដើមឈើបាក់អស់មួយដើម។
ហេតុការណ៍នេះបង្កឲ្យមានការភ្ញាក់ផ្អើលកាលវេលាម៉ោង ៥និង៤០នាទីល្ងាច ថ្ងៃទី៦ ខែកញ្ញា ឆ្នាំ២០១៧ ស្ថិតតាមបណ្តោយផ្លូវ ជាតិលេខ៤ម្តុំលក់សាច់ក្រក់ ស្ថិតនៅភូមិត្រពាំង គល់សង្កាត់កន្ទោក ខណ្ឌពោធិ៍សែនជ័យ។
តាមប្រភពព័ត៌មានពីកន្លេងកើតហេតុបាននិយាយថា នៅមុនពេលកើតហេតុគេឃើញរថយន្តរងគ្រោះម៉ាកហ្វតរ៉េងជ័រ ពណ៌សពាក់ស្លាកលេខ ភ្នំពេញ1AP-6918 បើកបរដោយបុរសម្នាក់ នឹងនាក់រួមដំណើរ៤នាក់ទៀតសរុប៥នាក់ក្នុងនោះមានស្រ្តីម្នាក់បានធ្វើដំណើរតាមបណ្ដោយផ្លូវជាតិលេខ៤ក្នុងទិសដៅពីកើតទៅលិចយ៉ាងលឿន។ លុះមកដល់កន្លែងកើតហេតុស្រាប់តែឃើញរថយន្តប្រភេទកុងតឺន័រ ម៉ាកហុីយ៉ាន់ដាយ ពណ៌ក្រហម ពាក់ស្លាកលេខ ភ្នំពេញ3B-7773 បើកបរក្នុងទិសដៅពីលិចទៅកើតហើយឆ្លងផ្លូវ ខណៈនោះរថយន្តហ្វតរ៉េងជ័រខាងលើ បានបើកគេចទៅខាងស្តាំរបស់ខ្លួន។ ចំណែកឯរថយន្តកុងតឺន័របានបើកឆ្លងផ្លូវទាំងល្បឿនលឿន ក៏ជ្រុលទៅបុករថយន្តរងគ្រោះចំហៀងខាងឆ្វេងបណ្តាលឲ្យបើងខ្ទាតទៅចញ្ចើមផ្លូវម្ខាង។ រីឯរថយន្តបង្កបុកដើមអំពិលទឹកបារាំងជ្រុលធ្លាក់ប្រឡាយ តែមិនបង្កឲ្យគ្រោះថ្នាក់ដល់អាយុជីវិតនណាម្នាក់ឡើយ។
ក្រោយពេលកើតហេតុ គេឃើញកម្លាំងនគរបាលមូលដ្ឋានចុះទៅកន្លែងកើតហេតុដើម្បីធ្វើចរាចរណ៍ព្រមទាំងទំនាក់ទំនងនគរបាលជំនាញចរាចរណ៍ខណ្ឌពោធិ៍សែនជ័យវាស់វែង និងយកទៅរក្សាទុករង់ចាំការដោះស្រាយគ្នាតាមផ្លូវច្បាប់៕ សុខាសែនជ័យ
