សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដោយសារកត្តាជីវភាព ប្តីរវល់ធ្វើការងាររកលុយ មិនបានជូនប្រពន្ធទៅមន្ទីរពេទ្យតាមដាននិងពិនិត្យសុខភាព ។ ស្ត្រីម្នាក់បានសម្រាលកូននៅទីសាធារណៈ ដោយសារតែ ស្វាមីរបស់គាត់ជាប់រវល់ធ្វេីការងារ មិនបានជូនប្រពន្ធទៅមណ្ឌសុខភាពដេីម្បីពិនិត្យ សុខភាព ជាហេតុធ្វេីឲ្យគាត់ពុំបានដឹង ថ្ងៃដែលប្រពន្ធរបស់គាត់ត្រូវសម្រាលកូន ។ ករណីនេះកើតឡើងកាលពីវេលាម៉ោង៨ និង១០នាទី យប់ថ្ងៃទី៩ ខែកញ្ញា ឆ្នាំ២០១៧ ។
បន្ទាប់ពីទទួលដំណឹងនេះ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានបញ្ជាឲ្យកម្លាំង ប្រជាការពារ ចុះអន្តរាគមន៍លេីករណីនេះដោយយករថយន្ត របស់មណ្ឌលសុខភាពខណ្ឌដូនពេញ ដឹកគាត់ និង កូន យកទៅមណ្ឌលសុខភាពខណ្ឌ ដេីម្បីសម្រាកព្យាបាល ។
ដោយមើលឃេីញពីភាពជាក់ស្ដែង ពីទុក្ខលំបាករបស់ពួកគាត់ លោក អភិបាលខណ្ឌ ក៏បានឧបត្ថម្ភ ថវិកាចំនួន ២០០,០០០រៀល ដល់ពួកគាត់ សម្រាប់ចំណាយផ្សេងៗផងដែរ ៕ ស តារា
