សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: នគរបាលប៉ុស្តិ៍ស្ទឹងមានជ័យបានឃាត់ខ្លួនជនសង្ស័យម្នាក់រួមនឹងថ្នាំញៀន២កញ្ចប់ កាលពីវេលាម៉ោង៨និង១០នាទីយប់ ថ្ងៃទី២៤ ខែកញ្ញា ឆ្នាំ២០១៧ ស្ថិតនៅតាមផ្លូវលេខ២៧១ ក្នុងភូមិ១ សង្កាត់ស្ទឹងមានជ័យ១ ខណ្ឌមានជ័យ ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួន ឈ្មោះ សុភ័ណ្ឌ ចាន់ដារ៉ា ហៅទុយ ភេទប្រុស អាយុ៣៥ឆ្នាំ មុខរបរកម្មករសំណង់ ស្មាក់នៅផ្ទះលេខ១០១ ក្រុម២ ភូមិ១សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ។
តាមប្រភពពីសមត្ថកិច្ចបានឲ្យដឹងទៀតថា កមុនពេលកើតហេតុម្លាំងនគរបាលប៉ុស្តិ៍ស្ទឹងមានជ័យ១ បានជិះម៉ូតូល្បាតពួនស្ទាក់នៅក្នុងមូលដ្ឋានកុំឲ្យមានបទល្មើសកើតឡើង។ លុះ មកដល់ចំណុចកើតហេតុខាងលើស្រាប់តែឃើញជនសង្ស័យម្នាក់នេះបានដើរតាមផ្លូវហើយដោយមានការសង្ស័យក៏ហៅសួរនាំ និងបានត្រួតពិនិត្យក្នុងខ្លួន ស្រាប់តែបានប្រទះឃើញថ្នាំញៀនប្រភេទក្រាមសថ្លាចំនួន២ថង់តូចនៅក្នុងហោប៉ៅខោ ក៏បានឃាត់ខ្លួនយកមកប៉ុស្តិ៍ដើម្បីសាកសួរ។
នៅចំពោះមុខសមត្ថកិច្ចជនសង្ស័យរូបនេះបាននិយាយថា ខ្លួនគាត់មិនមែនជាអ្នកជក់ ថ្នាំញៀនស្អីនោះទេ ការពិតថ្នាំញៀនពីរកញ្ចប់នេះគាត់រើសបានពេលដើរតាមផ្លូវទេ ុំ
ទោះជាមានការឆ្លើយដោះសារ បែបនេះក៏ដោយ ជនសង្ស័យខាងលើកំពុងនគរបាលប៉ុស្តិ៍សាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌមានជ័យដើម្បីចាត់ការតាមច្បាប់៕ ប្រាថ្នា
