សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមម៉ូតូក្មេងស្ទាវកែច្នៃដាក់ស៊ីម៉ាំងដែលតែងតែបង្កសំឡេងរំខានដល់អ្នកដំណើរ និងអ្នករស់នៅក្នុងមូលដ្ឋានខណ្ឌដូនពេញ ត្រូវបានលោក សុខ ពេញវុធ អភិបាល នៃគណៈអភិបាលខណ្ឌដូនពេញ បានដឹកនាំកម្លាំងគណៈបញ្ជាកាឯកភាពខណ្ឌដូនពេញ ស្ទាក់ចាប់ម៉ូតូដាក់ស៊ីម៉ាំងកែច្នៃ កាលពីវេលាម៉ោង២០ និង៣០នាទីយប់ ថ្ងៃទី ២៩ ខែកញ្ញា ឆ្នាំ២០១៧ ស្ថិតនៅគោលដៅមុខ សណ្ឋាគារណាហ្គាវេីល និង រង្វង់មូលសម្តេចសង្ឃជួនណាត សង្កាត់ចតុមុខ ខណ្ឌដូនពេញ ។
ក្នុងការចុះប្រតិបត្តិការចាប់ក្រុមម៉ូតូ ដែលដាក់ស៊ីម៉ាំងកែច្នៃខាងលើនេះ ជាក់ស្តែងឃាត់បានម៉ូតូចំនួន ១២គ្រឿង ដោយរក្សាទុកបណ្តោះអាសន្ននៅ អធិការនគរបាលខណ្ឌដូនពេញ និងនៅបញ្ជាការដ្ឋានកងរាជអាវុធហត្ថខណ្ឌដូនពេញ រងចាំកាអប់រំណែនាំ និង ធ្វេីកិច្ចសន្យា នៅពេលក្រោយ ទេីបអនុញ្ញាតអោយពួកគាត់ត្រឡប់ទៅវិញ។
លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានដឹកនាំកម្លាំងគណៈបញ្ជាការឯកភាពខណ្ឌ ចុះអប់រំណែនាំដល់ក្រុមក្មេងទំនើងដែលច្នៃបំពង់ស៊ីម៉ាំងម៉ូតូបង្កឲ្យមានសំឡេងឮខ្លាំងរំខាននៅតាមដងផ្លូវសាធារណៈ យកមកអប់រំណែនាំ និងធ្វើកិច្ចសន្យាបញ្ឈប់ឲ្យមានសកម្មភាពបែបនេះទៀត បន្ទាប់ពីក្រុមក្មេងទំនើងនេះបានបើកបរម៉ូតូច្នៃបំពង់ស៊ីម៉ាំងឲ្យមានសំឡេងឮខ្លាំង បង្កការរំខានដល់អ្នកធ្វើដំណើរ និង បង្កឲ្យបាត់បង់សណ្ដាប់ធ្នាប់សាធារណៈ ។
គួរបញ្ជាក់ផងដែរថា នាយឩត្តមសេនីយ៍ ជួន សុវណ្ណ អគ្គស្នងការរងនគបាលជាតិ និងជាស្នងការរាជធានីភ្នំពេញ បានបទបញ្ជាឲ្យកម្លាំងសមត្ថកិច្ច គ្រប់បណ្តាលខណ្ឌក្នុងរាជធានីភ្នំពេញ ធ្វើការបង្ក្រាប និងអប់រំ ម៉ូតូកែច្នៃ ខុសលក្ខណៈបច្ចេកទេស (បំពង់ស៊ីមាំងលឺ) បង្កសម្លេងរំខាន ប៉ះពាល់ដល់ប្រជាពលរដ្ឋផងដែរ ៕ស តារា
