បុរស២នាក់ជិះម៉ូតូត្រូវរថយន្ដមិនស្គាល់អត្តសញ្ញាណបុកប៉ើងរងរបួសធ្ងន់

ខេត្តព្រះសីហនុ៖ ព័ត៌មានប្រចាំថ្ងៃ របស់ស្នងការដ្ឋាននគរបាលខេត្តព្រះសីហនុបានឲ្យដឹងថា៖ នៅយប់ ថ្ងៃទី២២ ខែតុលា ឆ្នាំ២០១៧ វេលាម៉ោង១៨និង៤៥នាទី លើផ្លូវជាតិលេខ៤ ត្រង់ចំណុច កែងផ្លូវបន្ទាយកងរាជអាវុធហត្ថក្រុងព្រះសីហនុ (ចំការកៅស៊ូឃ្លាំងលើ) ភូមិ១ សង្កាត់លេខ១ ក្រុង/ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រថយន្ត ១គ្រឿង មិនស្គាល់ម៉ាក បានបុកម៉ូតូ១គ្រឿង ដែលមានទិសដៅស្របគ្នា ពេលបុកហើយ រថយន្តនោះ បានបើកគេចបាត់។

គ្រោះថ្នាក់នេះ បណ្ដាលឲ្យមនុស្ស ២នាក់រងរបួសធ្ងន់ សមត្ថកិច្ចបានបញ្ជូនទៅសង្គ្រោះនៅគ្លីនិកមិត្តភាព888 ៕ ឆ្លាម សមុទ្រ