សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖កម្លាំងសមត្ថកិច្ចនគរបាលប៉ុស្តិ៍ច្បារអំពៅ២ ខណ្ឌច្បារអំពៅបាន ឃាត់ខ្លួនជនសង្ស័យ៤នាក់ នៅចំណុចផ្ទះជួល មួយកន្លែងពាក់ព័ន្ធ ជួញដូរ និងប្រើប្រាស់ដោយខុសច្បាប់នូវសារធាតុញៀន ។
ការឃាត់ខ្លួនជនសង្ស័យខាងលើនេះប្រព្រឹត្តទៅកាលពីវេលាម៉ោង ៤និង៣០នាទីរសៀលថ្ងៃទី១ ខែវិច្ឆិកា ឆ្នាំ២០១៧នៅចំណុចផ្ទះជួល ភូមិកណ្តាល សង្កាត់ច្បារអំពៅ២ ខណ្ឌច្បារអំពៅ
មន្រី្តនគរបាលប៉ុស្តិ៍ច្បារអំពៅ២ បានឲ្យដឹងថា ជនសង្ស័យដែលឃាត់ខ្លួននេះមាន១-ឈ្មោះ ណាត ប៊ុនធឿន ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិត ប្រាកដ ស្នាក់នៅផ្ទះជួល ភូមិកណ្តាល១ សង្កាត់ច្បារអំពៅ២ ខណ្ឌច្បារអំពៅ ។ ២-ព្រុំ ស្រីភា ភេទស្រី អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិមានជ័យ សង្កាត់ស្ទឹងមានជ័យ ខណ្ឌមានជ័យ ។ ៣-សុខ ស្រីទៀង ភេទស្រី អាយុ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះជួល ភូមិកណ្តាល១សង្កាត់ច្បារអំពៅ២ ខណ្ឌច្បារអំពៅ និង៤- កែវ សុខលីន ភេទស្រី អាយុ១៩ឆ្នាំ ជនជាតិខ្មែរ មុខរបរម៉ាស្សា ស្នាក់នៅផ្ទះជួល ភូមិអូរអណ្តូង សង្កាត់ព្រែកប្រា ខណ្ឌច្បារអំពៅ ។ ក្នុងនោះដែរសមត្ថកិច្ចដកហូតវត្ថុតាងរួមមាន ក្រាមពណ៌សថ្លា (សង្ស័យគ្រឿងញៀន) ១កញ្ចប់ថង់តូច និងឧបករណ៍ប្រើប្រាស់ថ្នាំញៀនមួយចំនួន ។ ដោយឡែកថ្នាំញៀនក្រៅពី នេះជាច្រើនកញ្ចប់ទៀតដែលពួកគេយកទៅជួញដូរនៅចំណុចខាងលើ ត្រូវជនសង្ស័យទាំងបោះចោលបំបិទដានពីសមត្ថកិច្ចទើបចាប់បានតែមួយកញ្ចប់ ។
បច្ចុប្បន្ន ជនសង្ស័យ និងវត្ថុតាង ត្រូវឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌច្បារអំពៅ ដើម្បីកសាងសំណុំរឿងចាត់ការតាមច្បាប់ ៕ ប្រាថ្នា
