សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង ៖ គ្រោះថ្នាក់ចរាចរមួយកាលពីវេលាម៉ោង ២៣ និង ២៥នាទី ថ្ងៃទី១៤ ខែវិច្ឆិកា ឆ្នាំ២០១៧ នៅផ្លូវជាតិលេខ៤៨ ក្នុងភូមិសាស្ត្រស្រុកបុទុមសាគរ ម្តុំជិតផ្លូវបំបែកទៅកោះស្តេច ខេត្តកោះកុងបណ្តាលឲ្យមានមនុស្សរងរបួស៥នាក់ខូចខាតរថយន្ត៣គ្រឿង ក្នុងនោះមានរថយន្ត១គ្រឿងមានតម្លៃជាង១លានដុល្លារអាមេរិកថែមទៀតផងដែរ។
គ្រោះថ្នាក់ចរាចរនេះគឺរថយន្ត ទ្រុង មួយគ្រឿង ដែលផ្ទុក ដឹករថយន្តទំនើបមួយគ្រឿងមានតម្លៃជាង១លានដុល្លារអាមេរិក បានបុក ជាមួយ រថយន្តដឹកទំនិញ មួយគ្រឿង ពេញទំហឹង បណ្តាលឲ្យ រថយន្តដឹកទំនិញ ក្រឡាប់ផ្ញារជើងរងរបួស់ ធ្ងន់ស្រាល ៥នាក់ ចំណែក រថយន្តមានតម្លៃ ជាង ១លានដុល្លារនោះ បានរងការខូចខាតផ្នែកខាងមុខក្នុងកម្រិតខ្លាំង។
ឡានធុនធំពីរគ្រឿង មួយគ្រឿង ម៉ាក អ៊ីស៊ុយស៊ុយ ១គ្រឿង ពាក់ស្លាកលេខ ថៃ ៦២. ៦២៦២ បើកបរដោយជនជាតិថៃ ផ្ទុករថយន្តមួយគ្រឿង សេរីទំនើប មួយគ្រឿងម៉ាកអ៊ីពែរខាម៉ាក់គ្លែរ៉ឹនប៉េ១ (Hypercar Mclaren P1 )ពាក់ ស្លាកលេខ 2AY-2222 ដែលមានតម្លៃប្រហែលUS$1,350,000 បាន ធ្វើដំណើរតាមផ្លូវ ជាតិលេខ ៤៨ ។ នេះបើតាមគណនីហ្វេសប៊ុករបស់លោក Vithourak Sarun។ ចំណែក រថយន្តម៉ាកហ៊ីយ៉ាន់ដាយ ១គ្រឿង ពណ៌ខៀវ ពាក់ស្លាកលេខ ភ្នំពេញ ៣B-៥៥៦៨ ។
ឡានទាំងពីរគ្រឿងបើកតាមបណ្តោយផ្លូវជាតិលេខ៤៨ មានទិសដៅបញ្ច្រាសគ្នា លុះដល់ចំណុច ភូមិសាស្ត្រស្រុកបុទុមសាគរ ម្តុំជិតផ្លូវបំបែកទៅកោះស្តេច ក៏បានបុកគ្នាពេញទំហឹង បណ្តាលឲ្យ ខ្ទេច រថយន្តសេរីទំនើប ដែលដឹកនៅលើរថយន្តនោះ ចំណែករថយន្តដឹកទំនិញមួយគ្រឿងទៀតបាន ក្រឡាប់ផ្ញារជើងធ្លាក់ផ្លូវ បណ្តាលឲ្យ ឲ្យមនុស្ស ៥នាក់ ក្នុងនោះ ខ្មែរ ២នាក់ និងថៃ ៣នាក់ រងរបួសធ្ងន់ ស្រាល បញ្ជូនទៅព្យាបាលនៅមន្ទីរពេទ្យបង្អែកស្រុកស្រែអំបិល ។
គេថាឡានម៉ាកHypercar Mclaren P1នេះផលិតនៅប្រទេសអង់គ្លេសឆ្នាំ២០១៣ លក់អស់៣៧៥គ្រឿង។ រថយន្តប្រភេទ នោះនៅស្រុកខ្មែរប្រហែលមានតែមួយគ្រឿងនេះទេ។ ពេលនេះ សមត្ថកិច្ចនៅមិនទាន់ បញ្ជាក់ថាភាគី ខាងណា ជា អ្នកបង្កនៅឡើយទេ៕
