សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន៥នាក់ ជាមុខសញ្ញាជួញដូរ និងប្រើប្រាស់គ្រឿងញៀនត្រូវបានកម្លាំងនគរបាលអន្តរាគមន៍ពិសេស នៃអធិការនគរបាលខណ្ឌពោធិ៍សែនជ័យឆ្មក់បង្ក្រាប កាលពីវេលាម៉ោង១០និង៣០នាទីព្រឹកថ្ងៃសៅរ៍ ៦រោច ខែមិគសិរ ឆ្នាំរកា នព្វស័ក ព.ស២៥៦១ ត្រូវនឹងថ្ងៃ ទី៩ខែ ធ្នូ ឆ្នាំ២០១៧ នៅភូមិថ្មគោលថ្មគោល២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី១ឈ្មោះ សុខ ណាក់ ហៅញ៉ាញ់ ភេទប្រុស អាយុ២៧ ឆ្នាំជាមេក្លោងជួញដូរគ្រឿងញៀនយ៉ាងសកម្ម ស្នាក់នៅមិនពិតប្រាកដ ។ ទី២ឈ្មោះវៃ ជា ភេទប្រុស អាយុ១២ ឆ្នាំ មុខរបរ និងស្នាក់នៅមិនពិតប្រាកដ។
សមត្ថកិច្ចបានអោយដឹងថា ដោយមានការបញ្ជាផ្ទាល់ពីលោកវរៈសេនីយ៍ឯក យឹម សារ៉ាន់ អធិការនគរបាលខណ្ឌពោធិ៍សែនជ័យអោយចុះបង្ក្រាបទីតាំងខាងលើអោយអស់នៃកាជួញដូរ និងប្រើប្រាស់គ្រឿងញៀនដើម្បីទប់ស្កាត់បទល្មើសក្នុងមូលដ្ឋានជូនប្រជាពលរដ្ឋ ទើបកម្លាំងស្រាវជ្រាវនិងឆ្មក់បង្ក្រាបរហូតឈានដល់កាឃាត់ខ្លួនជនសង្ស័យទាំងថ្ងៃម្តង ឃាត់ខ្លួនមនុស្សចំនួន៥នាក់ និងដកហូតថ្នាំញៀនចំនួន៤កញ្ចប់តូច។
ក្រោយឃាត់ខ្លួនជនសង្ស័យត្រូវបានបញ្ជូនទៅអធិកានគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅតុលាកាចាត់កាតាមនិតិវិធី។
គួរបញ្ជាក់ថា ទីតាំងខាងលើជាសំបុកនៃកាជួញដូរនិងប្រើប្រាស់ថ្នាំញៀន ហើយកម្លាំងសមត្ថកិច្ចក៏ចុះបង្ក្រាបជាញឹកញាប់ផងដែរតែចាប់មិនចេះអស់ទាល់តែសោះកាន់តែបង្ក្រាបកាន់តែមាន៕ សុខាសែនជ័យ
