សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យុវជន២នាក់ត្រូវកម្លាំងនគរបាលប្រឆាំងបទល្មើសគ្រឿងញៀន នៃអធិការក្រុងប៉ៃលិនបានចុះបង្ក្រាបឃាត់ខ្លួន បានជនសង្ស័យបាន២នាក់ ដោយក្រោមការចង្អុលបង្ហាញ់ពីលោកឧត្តមសេនីយ៍ត្រីជា ចាន់ឌិន ស្នងការនគរបាលខេត្តប៉ៃលិន ឲ្យកម្លាំងអធិការដ្ឋាននគរបាលក្រុងប៉ៃលិនទទួលផែនប្រឆាំងបទល្មើសគ្រឿងញៀនឲ្យដឹកនាំកម្លាំងចុះបង្ក្រាបទីតាំង១កន្លែងនៅផ្ទះជនសង្ស័យ ក្រោយមកកម្លាំងជំនាញចុះឃាត់ខ្លួនជនសង្ស័យបាន២នាក់ ឆែកឆេរបានដកហូតថ្នាំប្រភេទម្សៅក្រាមពណ៌ស និងម៉ាទឹកកកចំនួន២កញ្ចប់តូច មានដែកកេះ១ និងទុយយោសម្រាប់ជក់១។
ការចាប់ឃាត់ខ្លួនជនសង្ស័យ២នាក់នេះ កើតឡើងកាលពីវេលាម៉ោង១២និង៣០នាទី ថ្ងៃអាទិត្យ ១៤ រោច ខែមិគសិរ ឆ្នាំរកា នព្វស័ក ព.ស. ២៥៦១ ត្រូវនឹង ថ្ងៃទី១៧ ខែធ្នូ ឆ្នាំ២០១៧ ដោយកម្លាំងការិយាល័យជំនាញនៃអធិការននគរបាលក្រុងប៉ៃលិនបានចុះបង្ក្រាប ស្ថិតនៅផ្ទះជនសង្ស័យក្នុងភូមិអូរតាពុកក្រោម សង្កាត់ទូលល្វា ក្រុងប៉ៃលិន ខេត្តប៉ៃលិន។
វត្ថុតាងដែលសមត្ថកិច្ចចាប់យកថ្នាំញៀនប្រភេទម្សៅក្រាមពណ៌ស និងម៉ាទឹកកក ចំនួន២កញ្ចប់តូច និងវត្ថុតាងមួយចំនួន។ ជនសង្ស័យ ឈ្មោះមាន សារី ភេទប្រុស អាយុ២០ឆ្នាំ ជាកម្មករ និងឈ្មោះ សឿន រដ្ឋា ភេទប្រុស អាយុ២៣ឆ្នាំ មុខរបរកម្មករ ទាំងពីរនាក់រស់នៅភូមិផ្សារព្រំ ឃុំស្ទឹងកាត់ ស្រុកសាលាក្រៅ ខេត្តប៉ៃលិន។
បច្ចុប្បន្នជនសង្ស័យត្រូវបានសមត្ថកិច្ចជំនាញកសាងសំណុំរឿង បញ្ជូនទៅសាលាដំបូងចាត់ការតាមផ្លូវច្បាប់៕ ស សារ៉េត
