សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ទោភុល ភស្តាអធិការ នគរបាលក្រុងព្រះសីហនុបានឲ្យដឹងថាៈ នៅវេលាម៉ោងរំលងអធ្រាត្រ ឈានចូល ថ្ងៃអង្គារ ២កើត ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៩ ខែធ្នូ ឆ្នាំ២០១៧ កម្លាំងអធិការដ្ឋាននគរបាលក្រុង បានបង្រ្កាបបទល្មើសគ្រឿងញៀន មួយករណី ឃាត់ខ្លួនជនសង្ស័យ៤នាក់ ស្ថិតនៅក្រុមទី៣៩ ភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
សមត្ថកិច្ចបញ្ជាក់ថា ជនសង្ស័យឈ្មោះ ១. កែវ សំកុល ភេទប្រុស អាយុ ១៧ ឆ្នាំ មុខរបរមិនពិតប្រាកដ មានទីលំនៅក្រុម៣៩ ភូមិ៥ សង្កាត់លេខ៤ ។ ២.ឈ្មោះ ម៉ី រ៉ាវី ភេទ ប្រុស អាយុ ១៧ ឆ្នាំ មុខរបរមិនពិតប្រាកដ មានទីលំនៅ ភូមិ២ សង្កាត់លេខ៣ ។ ៣. ឈ្មោះ ពៅ ម៉ី ភេទស្រី អាយុ ១៧ឆ្នាំ មុខរបរមិនពិតប្រាកដ មានទីលំនៅ សង្កាតលេខ៤។ ៤.ឈ្មោះឡឹក សុផាដាលីន ភេទស្រី អាយុ១៨ឆ្នាំ មានទីលំនៅ ក្រុម៣ ភូមិ៣ សង្កាត់លេខ៣។
ករណីនេះ សមត្ថកិច្ចចាប់យកបាន ម្សៅក្រាមពណ៌សថ្លា ចំនួន៦ កញ្ចប់ធំ ទូរសព្ទ័ ៤គ្រឿង និងម៉ូតូ១ គ្រឿង។
បច្ចុប្បន្ន សមត្ថកិច្ចកំពុងកសាងសំណុំរឿងបញ្ជូនទៅតុលាការចាត់ការតាមច្បាប់៕ ឆ្លាម សមុទ្រ
