សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកអនុសេនីយ៍ឯក តាក រៀម អធិការរង នគរបាលក្រុងព្រះសីហនុបានឲ្យដឹងថា នៅថ្ងៃចន្ទ ១កើត ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៨ ខែធ្នូ ឆ្នាំ២០១៧ វេលាម៉ោង១៩ កម្លាំងអធិការដ្ឋាននគរបាលក្រុង បានចុះបង្រ្កាបបទល្មើសគ្រឿងញៀនមួយករណី ឃាត់ខ្លួនជនសង្ស័យ២នាក់ ស្ថិតនៅក្រុមទី២៤ ភូមិ៣ សង្កាត់លេខ ៣ ក្រុង.ខេត្តព្រះសីហនុ ។
ជនសង្ស័យ៖ ១. ឈ្មោះ អោម ស៉ីផាន់ណារិទ្ធ ភេទប្រុស អាយុ ២៩ឆ្នាំ មុខរបរមិនពិតប្រាកដ ក្រុម២៤ ភូមិ៣ សង្កាត់លេខ៣ក្រុងខេត្តព្រះសីហនុ។ ២.ឈ្មោះ ចាន់ មុន្នី ភេទ ប្រុស អាយុ ២៩ ឆ្នាំ មុខរបររត់ម៉ូតូឌុប មានទីលំនៅ ភូមិ៣ សង្កាត់លេខ៣ ក្រុងខេត្តព្រះសីហនុ។
ចាប់យកបានថ្នាំញៀន ម្សៅក្រាមពណ៌សថ្លា ២៣ កញ្ចប់ និងទូរសព្ទ័២ គ្រឿង ។ បច្ចុប្បន្នសមត្តកិច្ចកំពុងកសាងសំណុំរឿងបញ្ជូនទៅតុលាការចាត់ការបន្តតាមច្បាប់ ៕ ឆ្លាម សមុទ្រ
