សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ កាលពីវេលាម៉ោង២៣និង២០នាទីថ្ងៃអង្គារ ៦រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៦ ខែកុម្ភៈ ឆ្នាំ២០១៨ មានករណីអគ្គិភ័យ ឆេះផ្ទះ១ខ្នង សង់ពីឈើប្រក់ស័ង្កសី សង់ផ្ទាល់ដីទំហំ ៥ម៉ែត្រគុណ៨ម៉ែត្រ ឆេះម៉ត់ និងខូចខាតសម្ភារៈ១ចំនួន ស្ថិតក្នុងភូមិ១ ឃុំត្រពាំងច្រែស ស្រុកកូនមុំ។
នគរបាល ចុះជួយអន្តរាគមន៍ដែរ តែមិនអាចជួយពន្លត់ភ្លើងបានទេ ពោលគឺស្ថានភាពភ្លើងឆេះខ្លាំង ខូតខាតទាំងស្រុងតែម្តង។
នគរបាលប៉ុស្តិ៍ឃុំត្រពាំងច្រែស ប្រាប់ឲ្យដឹងនៅព្រឹកថ្ងៃពុធ ៧រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៧ ខែកុម្ភៈ ឆ្នាំ២០១៨ ថា ម្ចាស់ផ្ទះរងគ្រោះមាន ឈ្មោះ ទឹម សុខុំ ភេទប្រុស អាយុ៥២ឆ្នាំ មុខរបរកសិករ មានទីលំនៅកន្លែងកើតហេតុខាងលើ។
ក្រុមជួយអន្តរាគមន៍ បញ្ចេញរថយន្តបាញ់ទឹក១គ្រឿង ចំណាយទឹកអស់៦០០០លីត្រ មិនអាចគ្រប់គ្រង ស្ថានការណ៍បានហើយ ការឆេះនេះបណ្តាល មកពីទុស្សេខ្សែភ្លើង។
នគរបាលប៉ុស្តិ៍ឃុំត្រពាំងច្រែស បន្ថែមឲ្យដឹងទៀតថា សម្ភារខូចខាតរួមមាន គោយន្តកន្ត្រៃ១គ្រឿង, ម៉ាស៊ីនបាញ់ស្មៅ២គ្រឿង, តុមូល២សន្លឹក, តុធម្មជាតិ១០សន្លឹក និងកង់១រួមសម្ភារ ផ្ទះបាយមួយចំនួនទៀតផងដែរ៕ ជីវន្ត
