សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ មនុស្សជាច្រើនអ្នកបានរងរបួសធ្ងន់ធ្ងរ ហើយត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ស្ពឺ ខណៈដែលរថយន្ត២គ្រឿងបុកគ្នាយ៉ាងពេញទំហឹង ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីថ្ងៃចន្ទ ១២កើត ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៦ ខែកុម្ភៈ ឆ្នាំ២០១៨ នៅតាមបណ្តោយផ្លូវលេខ១៤៣ ត្រង់ចំណុចលើស្ពានឆ្លងប្រឡាយ(ស្ពានអាចម៍ក្អែក) ស្ថិតនៅភូមិស្គុះ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ។
នគរបាលបាលចរាចរណ៍ក្រុងច្បារមនបាននិយាយឲ្យដឹងថា នៅមុនពេលកើតហេតុ មានករណីគ្រោះថ្នាក់ចរាចររវាងរថយន្ដម៉ាកសាំងយ៉ុង ពណ៌លឿង ពាក់ស្លាកលេខ ភ្នំពេញ ២AO-៨០៩២ មិនស្គាល់អត្តសញ្ញាណ អ្នកបើកបរនោះឡើយ ។ នគរបាលចរាចរណ៍បានបន្តទៀតថា រថយន្តខាងលើបានបើកបរតាមបណ្តោយផ្លូវជាតិលេខ១៤៣ ក្នុងទិសដៅពីទិសខាងជើងទៅទិសខាងត្បូង លុះធ្វើដំណើរមកដល់ចំណុចកើតហេតុខាងលើ បុកក្បាលស្ពានពីខាងជើង ផ្លាតទៅបុករថយន្ដ១គ្រឿងទៀត ម៉ាក TOYOTA ពណ៌ស ពាក់ស្លាកលេខភំ្នពេញ ២AE-៨៥១៩ មិនស្គាល់អត្តសញ្ញាណដែលបេីកមកពីទិសខាងត្បូងទៅជេីងបណ្តាលឲ្យរងការខូចខាតទាំង២គ្រឿង ។
អ្នកបើកបរមិនស្គាល់អត្តសញ្ញាណនៅឡើយ បញ្ជូនទៅពេទ្យអស់ ។ អ្នករងរបួសទាំងអស់ កំពុងតែស្រាយជ្រាវរកឈ្មោះ។ វត្ថុតាងរក្សានៅការិយាល័យចរាចរខេត្តរង់ចាំដោះស្រាយនៅពេលក្រោយ ៕ សេនាសក្តិ
