សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព័ត៌មានពីមន្ត្រីនគរបាល របស់ស្នងការដ្ឋាន នគរបាល ខេត្តព្រះសីហនុបានឲ្យដឹងថា៖ ថ្ងៃពុធ ១៤កើត ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៨ ខែកុម្ភៈ ឆ្នាំ២០១៨ វេលាម៉ោង៩:៤៥នាទីព្រឹក លើផ្លូវជាតិលេខ៤ ចន្លោះគីឡូម៉ែត្រ ១២៣-១២៤ ស្ថិតនៅក្នុងភូមិក្រាំងអាត់ ឃុំកំពង់សិលា ស្រុកកំពង់សិលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាងម៉ូតូ១គ្រឿងម៉ាក YAMAHA RC ពណ៌ ខ្មៅ ពាក់ផ្លាកលេខ រដ្ឋ06 1-1876 អ្នកបើកបរមិនស្គាល់អត្តសញ្ញាណ មានទិសដៅ ពីខាងត្បូង ទៅជើង បានបេីកវ៉ាជែង រថយន្តកុងតឺន័រប្រហែល៤ ទៅ ៥គ្រឿង ដែលមានទិសដៅស្របគ្នា ពេលនោះមានរថយន្តមួយគ្រឿង មកពីខាងមុខ អ្នកបើកម៉ូតូ ក៏បានគេចចូលមកខាងស្តាំដៃវិញ បណ្តាលឲ្យរថយន្ត ដឹកខ្សាច់ បុក កិនចំពីខាងក្រោយតែម្ដង។
រថយន្តម៉ាក NISSAN DIESEL ពណ៌ បៃតង ពាក់ផ្លាកលេខភ្នំពេញ3A-2359 អ្នកបើកបររត់គេចខ្លួន ចូលក្នុងព្រៃ សមត្ថកិច្ចកំពុងតាមស្វែងរក។
គ្រោះថ្នាក់នេះ បណ្ដាលឲ្យស្លាប់មនុស្សម្នាក់ នៅនឹងកន្លែងកើតហេតុ អ្នកបើកបរម៉ូតូ កំពុងស្វែងរកអត្តសញ្ញាណ និង ក្រុមគ្រួសារ ។
រថយន្ត និង ម៉ូតូ បានយកមករក្សាទុកនៅអធិការដ្ឋាននគរបាលស្រុកកំពង់សិលា ៕ ឆ្លាម សមុទ្រ
