សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះអត់ពាក់មួកសុវត្ថិភាព ខណៈឃើញសមត្ថកិច្ចកំពុងដាក់គោលដៅចាប់មួយកកញ្ចក់ ស្រាប់តែបត់ក្រោយវិញ ភ្លាមនោះក៏ត្រូវស្ត្រីម្នាក់បុកបណ្តាលឲ្យរងរបួសធ្ងន់សន្លប់ស្តូកស្តឹង ។
ហេតុការណ៍នេះ បានកើតឡើងកាលពីវេលាម៉ោង៤រសៀល ថ្ងៃអង្គារ ១២រោច ខែផល្គុន ឆ្នាំរកានព្វស័ក ពស២៥៦១ ត្រូវនិងថ្ងៃទី១៣ ខែមីនា ឆ្នាំ២០១៨ នៅចំណុចមុខផែស្ងួតសូងួន តាមបណ្តោយផ្លូវវេងស្រេង ស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីនៅកន្លែងកើតហេតុ បានអោយដឹងថា នៅមុនពេលកើតហេតុ គេបានឃើញបុរសម្នាក់ជិះម៉ូតូ ម៉ាកហុងដា ឌ្រឹមសង់ ពណ៍ ខ្មៅ ពាក់ស្លាកលេខ ភ្នំពេញ 1BB 6199 ធ្វើដំណើរតាមបណ្តោយផ្លូវវេងស្រេង ក្នុងទិសដៅពីកើតទៅលិច ខណះមកដល់ចំណុចគោលដៅសមត្ថកិច្ចចាប់មួក កញ្ចក់ ស្រាប់តែបត់មកក្រោយវិញ ដោយមិនបានបើកភ្លើងសុីញ៉ូរ ភ្លាមនោះ ស្រាប់តែមានស្ត្រីម្នាក់ ជិះម៉ូតូម៉ាក ហុងដាឌ្រឹម ពណ៍ខ្មៅពាក់ស្លាកលេខ កណ្តាល 1D 3215 ធ្វើដំណើរមកពីក្រោយ គេចមិនទាន់ ក៏ជ្រុលបុកបណ្តាលអោយដួលទៅនិងថ្នល់ រងរបួសសន្លប់ស្តូកស្តឹងមួយសន្ទុះទើបដឹងខ្លួនវិញ ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ចំណែកម៉ូតូទាំង២គ្រឿងត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ រង់ចាំដោះស្រាយពេលក្រោយ ៕ សុខាសែនជ័យ
