សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅវេលាម៉ោង ២១និង៤០នាទីត្រូវនឹងថ្ងៃអាទិត្យ ២កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៨ ខែមីនា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតតាមបណ្ដោយផ្លូវផាតិលេខ០៦ ត្រង់ចំណុចផ្លូវកោង វាងក្រុង(ផ្លូវអាស៊ាន)ស្ថិតនៅភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន(រវាងម៉ូតូនឹងគោយន្ត)បង្កឡើងដោយម៉ូតូC១២៥. ពណ៌ខ្មៅស្លាកលេខ កំពង់ធំ ១D.៩៣៩៥ បានបើកទៅបុកគោយន្តកន្រ្តៃពីក្រោយកំពង់ឈប់ក្នុងទិសដៅស្របគ្នា ។
ប្រភពព័ត៌មានពីសមត្ថកិច្ចបានឲ្យដឹងថា អ្នកបើកម៉ូតូឈ្មោះ អ៊ិន ផល្លា ភេទប្រុស អាយុ២៩ឆ្នាំមុបរបរ(គ្រូបង្រៀន) រស់នៅភូមិស្លាកែត សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ស្លាប់នៅកន្លែងកើតហេតុ ។ អ្នកបើកគោយន្តមិនស្គាល់អត្តសញ្ញាណបានរត់គេចខ្លួនបាត់ស្រមោល ។ មូលហេតុ ដោយសារអ្នកបើកម៉ូតូ គ្មានការប្រុងប្រយ័ត្ន ។
ក្រោយកើតហេតុ សមត្ថកិច្ចបានចុះវាស់វែងធ្វើកំណត់ហេតុ ចំណែកសាកសពក្រុមគ្រួសាយកទៅធ្វើបុណ្យតាមប្រពៃណីខ្មែរ រីឯវត្ថុតាងយកទៅរក្សាទុកនៅការិយាល័យនគរបាលចរាចរណ៍ខេត្តរក្សាទុក រង់ចាំដោះស្រាយគ្នាតាមច្បាប់ ៕ ប៊ុនរិទ្ធី
