សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្តិ៍ស្ទឹងមានជ័យទី៣ បានឃាត់ខ្លួនជនសង្ស័យ២នាក់ពាក់ព័ន្ធករណី ជួញដូរដោយខុសច្បាប់នូវសារធាតុញៀន នៅចំណុចផ្លូវលំ ភូមិ ដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ កាលពីនៅវេលាម៉ោង០២ម៉៤៥នាទីរំលងអាធ្រាត្រថ្ងៃព្រហស្បតិ៍ ១៣កើត ខែ ចេត្រ ឆ្នាំ រកា នព្វស័ក ព.ស ២៥៦១ ត្រូវនឹងថ្ងៃទី២៩ ខែ មីនា ឆ្នាំ២០១៨ ។
លោក ឯម ភារី នាយប៉ុស្ដិ៍នគរបាលរដ្ឋបាលស្ទឹងមានជ័យ៣បានប្រាប់អោយដឹងថា ជនសង្ស័យទី១-ឈ្មោះ ថា រិទ្ធី ភេទ ប្រុស អាយុ ២៥ ឆ្នាំ ជនជាតិខ្មែរ មុខរបរ និង ទីលំនៅ មិនពិតប្រាកដ មានស្រុកកំណើតភូមិ សាម៉ ឃុំ ត្រពាំងស្រែ ស្រុក មេសាង ខេត្ត ព្រៃវែង ។ និងទី២-ឈ្មោះ គង់ តារា ហៅ ចឺម ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ និង ទីលំនៅ មិនពិតប្រាកដ មានស្រុកកំណើតភូមិ ពោធិ៍សេរី ឃុំ កំពង់ក្តី ស្រុក ជីក្រែង ខេត្ត កំពង់ធំ ។វត្ថុតាងដកហូតបានរួមមាន៖ ក្រាមពណ៍សថ្លា(សង្ស័យជាគ្រឿងញៀន) ចំនួន ០៣ កញ្ចប់(កញ្ចប់ថង់ធំ ០១, កញ្ចប់ថង់តូច០២) និងម៉ូតូ០១គ្រឿងមិនស្គាល់ម៉ាក (ម៉ូតូចាស់) ។
លោកបានបន្ដទៀតថា កាលពីថ្ងៃទី២៩ ខែ មីនា ឆ្នាំ២០១៨ វេលាម៉ោង០២ម៉៤៥នាទីរំលងអាធ្រាត្រ កម្លាំងនគរបាលប៉ុស្តិ៍ស្ទឹងមានជ័យទី៣បានធ្វើការល្បាតពួនស្ទាក់នៅក្នុងមូលដ្ឋាន ហើយនៅពេលមកដល់ចំណុចផ្លូវលំ ភូមិ ដំណាក់ធំ៣ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ (ចំណុចកើតហេតុ) ក៏ប្រទះឃើញជនសង្ស័យចំនួន០២នាក់ឈ្មោះ ថា រិទ្ធី និង ឈ្មោះ គង់ តារា ហៅ ចឺម កំពុងឈរក្បែរម៉ូតូ០១គ្រឿងមិនស្គាល់ម៉ាក (ម៉ូតូចាស់) នៅចិញ្ចើមផ្លូវ ដោយមានការសង្ស័យកម្លាំងយើងបានក៏ឃាត់ជនសង្ស័យទាំង០២នាក់ត្រួតពិនិត្យឆែកឆេររកឃើញ ក្រាមពណ៍សថ្លា(សង្ស័យជាគ្រឿងញៀន)ចំនួន០១កញ្ចប់ថង់ធំនៅជាប់ខ្លួនជនសង្ស័យឈ្មោះ ថា រិទ្ធី និង រកឃើញក្រាមពណ៍សថ្លា(សង្ស័យជាគ្រឿងញៀន)ចំនួន០២កញ្ចប់ថង់តូចនៅជាប់ខ្លួនជនសង្ស័យឈ្មោះ គង់ តារា ហៅ ចឺម ភ្លាមនោះសមត្ថកិច្ចយើងក៏បានឃាត់ខ្លួនជនសង្ស័យទាំង០២នាក់យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី៣ ចាត់ការតាមច្បាប់តែម្តង ។
បច្ចុប្បន្នជនសង្ស័យឈ្មោះ ថា រិទ្ធី និង ឈ្មោះ គង់ តារា ហៅ ចឺម ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕ តាឡឹម
