សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី៖ ប្ដីកាប់ប្រពន្ធពីក្រោយចំកញ្ចឹងកស្លាប់ក្នុងថ្លុកឈាម រួចអារកសម្លាប់ខ្លួនឯងតាមក្រោយ នៅក្នុងផ្ទះដេកស្លាប់ទាំងពីរនាក់យ៉ាងអាណោចអាធ័ម និងសង្វេគជាទីបំផុត ។
ហេតុការណ៍ដ៏រន្ធត់នេះបានកើតឡើងនៅវេលាម៉ោង៩ព្រឹក ថ្ងៃសៅរ៍ ៧រោច ខែចេត្រ ឆ្នាំ រកា នព្វស័ក ព.ស. ២៥៦១ ត្រូវនឹងថ្ងៃទី៧ ខែមេសា ឆ្នាំ២០១៨ នៅត្រង់ចំណុចក្រុមរកា ភូមិពូហ្យាម ឃុំសែនមនោរម្យ ស្រុកអូរាំង២ ខេត្តមណ្ឌលគិរី ។
ប្រភពពីសមត្ថកិច្ចបានឲ្យដឹងថា អំពើឃាត្តកម្មនេះ បង្កឡើងដោយឈ្មោះ ង្រេីម វីន ភេទប្រុស អាយុ៤៣ឆ្នាំ ជនជាតិព្នង ត្រូវជាប្តីស្ត្រីរងគ្រោះ រស់នៅភូមិកើតហេតុខាងលើ ដោយបានប្រើកាំបិតផ្គាក់កាប់ទៅលើប្រពន្ធឈ្មោះ ក្លេីយ សុកេ អាយុ៤០ ឆ្នាំ ត្រូវបំពង់ក១កាំបិត និងត្រូវកញ្ចឹងក ពីក្រោយ១កាំបិត បណ្តាលឲ្យស្លាបភ្លាមៗ ខណៈដែលកំពុងបេះត្រួយស្អំ នៅក្រោមដើមស្អំជិតផ្ទះ ។
សមត្ថកិច្ចបន្តថា ក្រោយសម្លាប់ប្រពន្ធរួចជនសង្ស័យបានយកកាំបិតចុងស្រួចអារកធ្វើអត្តឃាតខ្លួនឯង ដាច់បំពង់ក
បណ្តាលឲ្យស្លាប់តាមក្រោយទន្ទឹមគ្នាជាមួយនឹងសាកសពប្រពន្ធនៅកន្លែងកើតហេតុតែម្តង ។
តាមប្រភពបានឱ្យដឹងថា ជនសង្ស័យជាប្តីនោះមានសតិមិនល្អ មានជំងឺឆ្កួតរយៈពេល៦ខែមកហើយ ។
ករណីនេះកម្លាំងជំនាញបានចុះពិនិត្យកន្លែងកើតហេតុ ស្រាវជ្រាវសាក្សី ចប់សព្វគ្រប់ហើយសន្និដ្ឋានថា ឈ្មោះ ង្រើម វីន ពឹតជាបានកាប់សម្លាប់ប្រពន្ធរួចធ្វើអត្តឃាតខ្លួនឯងពិតប្រាកដមែន ។
សមត្ថកិច្ចបានប្រគល់សាកសពឲ្យសាច់ញាតិយកទៅធ្វើបុណ្យតាមប្រពៃណីផងដែរ ៕ ជីវន្ត
