រលំផ្ទះនិងតូបចំនួន២ខ្នងនិងប៉ើងដំបូលផ្ទះ៥ខ្នងក្នុងហេតុការខ្យល់កន្ត្រាក់

ខេត្តសៀមរាប៖ ថ្ងៃអាទិត្យ ៨កើត ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២២ ខែមេសា ឆ្នាំ២០១៨ នៅវេលាម៉ោង១៨.០០នាទីមានភ្លៀងធ្លាក់តិចៗនិងមានខ្យល់កន្ត្រាក់បានបក់បោកមកលើភូមិក្របៅ ឃុំសង្វើយស្រុកជីក្រែង ខេត្តសៀមរាប។

តាមការបញ្ជាក់ពីកម្លាំងសមត្ថកិច្ចនគរបាលបានឲ្យដឹងថា អព្ភូតហេតុខ្យល់កន្ត្រាក់នេះបានបក់បោកមកលើភូមិក្របៅ ឃុំសង្វើយ ស្រុកជីក្រែង ខេត្តសៀមរាប ស្ថិតនៅប៉ែកខាងជើងផ្លូវជាតិលេង០៦ប្រហែល១០គីឡូម៉ែត្រដែលបណ្តាលឲ្យខូចខាតរលំផ្ទះប្រជាពលរដ្ឋ ១ខ្នងនិងតូបលក់ឥវ៉ាន់១ខ្នង និងប៉ើងដំបូលផ្ទះប្រជាពលរដ្ឋអស់៥ខ្នង និងបណ្តាលឲ្យស្រ្ដីម្នាក់រងរបួសស្រាល ៕ ប៊ុន រិទ្ធី