សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ រថយន្ដបែកកង់រេចង្កូតក្រឡាប់ធ្លាក់ផ្លូវ កាលពីវេលាម៉ោងវេលាម៉ោង២១និង៣០នាទី ថ្ងៃចន្ទ ៩កើត ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៣ ខែមេសា ឆ្នាំ២០១៨ នៅលើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៨១-១៨២ ភូមិប្រសាទ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ បណ្តាលឲ្យ ស្លាប់បុរសម្នាក់ស្លាប់ និង បុរស២នាក់រងរបួសស្រាល។
តាមប្រភពព័ត៌មានពីសមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ បង្កដោយខ្លួនឯង គឺរថយន្តម៉ាកឡិចស៊ិស ពណ៌ទឹកមាស ស្លាកលេខគ្មាន បើកបរពីកើតទៅលិច ដោយឈ្មោះ លឹម.ចាន់រឹទ្ធី ភេទប្រុស អាយុ៣៦ឆ្នាំ នៅភូមិទី៧ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ស្លាប់នៅមន្ទីរពេទ្យភ្នំពេញ អ្នករួមដំណើរ០២នាក់ : ១- ឈ្មោះ ហ៊ា.រឹទ្ធី ភេទប្រុស អាយុ៣៧ឆ្នាំ នៅភូមិ ឃុំជាមួយអ្នកបើកបររថយន្ត ខាងលើ របួសស្រាល ២-ឈ្មោះ ផល្លា ភេទប្រុស អាយុ៣៥ឆ្នាំ នៅភូមិ ថ្នល់បែក ឃុំត្រពាំងឫស្សីុ ស្រុកកំពង់ស្វាយ ខេត្តកំពង់ធំ របួសស្រាល ។
ក្រោយកើតហេតុសមត្ថកិច្ចចុះវាស់វែង បញ្ជូនជនរងគ្រោះទៅមន្ទីរពេទ្យ និងប្រមូល វត្ថុតាងរក្សាទុកនៅអធិការដ្ឋាននគរបាលស្រុកកំពង់ដើម្បីរក្សាទុក ៕ ប៊ុនរិទ្ធី
