សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ លោក វរសេនីយ៍ត្រី ចាន់ សុខា មេបញ្ជាការមូលដ្ឋានកងរាជអាវុធហត្ថស្រុកភ្នំក្រវាញ ដឹកនាំកម្លាំង ចុះបង្រ្កាបបទល្មើសព្រៃឈើចំនួន ១១ដុំជាប្រភេទឈើអារឡាំងបួនជ្រុង(រាជកុល)។
ប្រតិបត្តិការខាងលើធ្វើឡើងនៅរសៀល ថ្ងៃពុធ ១១កើត ខែពិសាខ ឆ្នាំច សំរឹទ្ធិស័ក្រ ពុទ្ធសករាជ២៥៦២ ត្រូវនឹងថ្ងៃទី២៥ ខែមេសា ឆ្នាំ២០១៨ ត្រង់ចំណុចដូងឃ្លៀង ស្ថិតក្នុងភូមិរវាង ឃុំសំរោង ស្រុកភ្នំក្រវាញ ខេត្តពោធិ៍សាត់។
លោក វរសេនីយ៍ត្រី ចាន់ សុខា មេបញ្ជាការមូលដ្ឋានកងរាជអាវុធហត្ថស្រុកភ្នំក្រវាញបានឲ្យដឹងថា លទ្ធផល៖ ក្នុងកិច្ចប្រតិបត្តិការខាងលើដកហូតនូវវត្ថុតាងឈើគេអារឡាំងបួនជ្រុងដែលជនល្មើសល័កទុក(នៅក្នុងព្រៃ)ចំនួន ១១ដុំ ជាឈើប្រភេទក្រៅលំដាប់ថ្នាក់(រាជកុល) ហើយវត្ថុតាងឈើខាងលើនេះមិនទាន់បានវាស់វែងនៅឡើយនោះទេ វត្ថុតាងទាំងនេះបានប្រគល់ឲ្យស្នាក់ការមន្រ្តីបរិស្ថានអភិរក្សកណ្ដាលជួរភ្នំក្រវាញ ដើម្បីរងចាំបន្តតាមនិតិវិធី៕ បឹុម ពិន
