សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ ជនសង្ស័យចំនួន២នាក់ឆក់កាបូបស្ត្រីម្នាក់បានសម្រេច ត្រូវបានកម្លាំងនគរបាលអន្តរាគមន៍ដេញប្រមាញ់ តាមរហូតក្របួចជាប់ រួចប្រគល់ឲ្យនគរបាលជំនាញ បន្ទាប់ពីសាកសួររួច ក៏ស្រាវជ្រាវ បន្ត ឈានទៅចាប់បានបក្ខពួកចំនួន៣នាក់ ទៀតក្នុ ងនោះមានទាំងថ្នាំញៀនមួយចំនួនផងដែរ ។
ហេតុការណ៍នេះធ្វើឡើងនៅវេលាម៉ោង ២០ និង៣០នាទី ថ្ងៃសុក្រ ៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៤ ខែឧសភា ឆ្នាំ២០១៨ ចំណុចផ្លូវវត្តបូព៌ លើលូរ ស្ថិតក្នុងភូមិវត្តបូព៌ សង្កាត់សាលាកំរើក ក្រុងខេត្តសៀមរាប ។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលបន្ទុកកណ្តាលព្រហ្មទ័ណ្ឌនគរបាលខេត្តសៀមរាបបានឲ្យដឹងថា មានករណីអំពើលួច មាន ស្ថានទំងន់ (ឆក់កាបូប) មួយបានកើតឡើងទៅលើជនរងគ្រោះឈ្មោះ យឿន ស្រីណុច ភេទស្រីអាយុ១៩ឆ្នាំ មានទីលំនៅភូមិកើតហេតុខាងលើ ខណៈពេលដែលជនរងគ្រោះកំពុងជិះម៉ូតូដល់កន្លែងកើតហេតុ ស្រាប់តែមានជនសង្ស័យចំនួនពីរនាក់ជិះម៉ូតូមកជិត ជនរងគ្រោះ ហើយធ្វើសកម្មភាពឆក់យកកាបូបស្ពាយពណ៌ទឹកប្រាក់របស់ជនរងគ្រោះហើយជិះគេចខ្លួនបាត់ ។ ក្រោយកើតហេតុភ្លាមៗនោះក៏ត្រូវបានប៉ូលិសអន្តរាគមន៍ប្រដេញចាប់បានជនសង្ស័យ២នាក់ រួចបន្តទៅធ្វើការឃាត់ខ្លួនបានបក្ខពួក៣នាក់ ទៀត ហើយយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់ ។
លោកបានបញ្ជាក់ថា ក្នុងកាបូបនោះដែលត្រូវចោរឆក់នោះមាន ប្រាក់១៥០ដុល្លារ ទូរស័ព្ទ២គ្រឿង ម៉ាកអាយហ្វូន ផ្លាសអេសពណ៌ទឹកប្រាក់១ ម៉ាកហូវ៉ៃណូវ៉ាស្រី អ៊ីពណ៌ខ្មៅ០១គ្រឿង អត្តសញ្ញាណបណ្ណ័មួយ កាតគ្រីម៉ូតូ០១ ជនសង្ស័យទាំង២នាក់មាន=ទី១/ឈ្មោះ ខាំ ចន្ទ័ពន្លឺ ពេជ្រ ប្រុស ១៨ឆ្នាំ ទី២/ឈ្មោះ ប៊ុន ម៉េងហាក់ ប្រុស ១៨ឆ្នាំ ។
ក្រោយពីការសួរនាំរួចជនសង្ស័យឈ្មោះ ខាំចន្ទ័ ពន្លឺពេជ្រ បានសារភាពថា រូបខ្លួនបានធ្វើសកម្មភាពឆក់កាបូបរបស់ជនរងគ្រោះខាងលើជាមួយឈ្មោះ មករ៉ា ហៅមាឃ ភេទប្រុស មិនស្គាល់ត្រកូល អាយុ១៨ឆ្នា (គេចខ្លួន) រហូតដល់ថ្ងៃទី០៥ ឧសភា ២០១៨ យើងបានធ្វើការស្រាវជ្រាវនាំខ្លួនជនសង្ស័យចំនួន០៣នាក់បន្ថែមទៀតដែលពាក់ពទ្ធ័ករណីចែកចាយថ្នាំញៀនព្រមទាំងដកហូតបានថ្នាំញៀនប្រភេទម៉ាទឹកកកចំនួន០២កញ្ចប់(មួយតូច មួយធំ) ព្រមទាំងដកហូតបានម៉ូតូ០២គ្រឿង (ករណីឆក់០១គ្រឿង) ។ ចំពោះជនសង្ស័យទាំង៣នាក់ ក្នុងនោះមាន ទី១/ ឈ្មោះ ដួង វណ្ណេត ប្រុស ១៨ឆ្នាំ.ទី២/ ឈ្មោះ ងួន ឆាយហុង ប្រុស ១៨ឆ្នាំ.ទី៣/ ឈ្មោះ គឹន ឈាន ប្រុស ១៨ឆ្នាំ ព្រមទាំងថ្នាំញៀន០២កញ្ចប់ ម៉ូតូ០១គ្រឿង ។
ក្នុងនោះសមត្ថកិច្ចបានដកហូតវត្ថុតាងគ្រឿងញៀនមួយចំនួន ព្រមទាំង សម្ភារៈដែលជនសង្ស័យ ឆក់យកទៅមាន កាបូបស្ពាយពណ៌ទឹកប្រាក់០១ និងទូរសព្ទ័ម៉ាកហូវ៉ៃណូវ៉ាស្រីអីពណ៌ខ្មៅ០១គ្រឿង យកមកវិញផងដែរ ។
បច្ចុប្បន្ន ជនសង្ស័យទាំង៥នាក់ និងវត្ថុតាង ត្រូវបានកម្លាំងនគរបាលជំនាញកំពុងរៀបចំសំណុំរឿង ដើម្បីបញ្ជូន ទៅតុលាការចាត់ការតាមនិតិវិធី ។ ចំណែកសម្ភារៈរបស់ជនរងគ្រោះដែលត្រូវចោរឆក់ ដែលសមត្ថកិច្ចដកហូតបានមកវិញនោះ ប្រគល់ឲ្យម្ចាស់ដើមវិញហើយ ៕ ប៊ុនរិទ្ធី
