សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្តេចតេជោ ហ៊ុន សែន បានថ្លែងថា រដ្ឋមន្ត្រីក្រសួងសុខាភិបាលលោក ម៉ម ប៊ុនហេង មិនសូវជាមានបញ្ហានោះទេ ប៉ុន្តែរដ្ឋលេខាធិការនៅក្នុងក្រសួងនេះមួយចំនួនដូចជា មានបញ្ហានាំឲ្យមានភាពអសកម្ម ដែលទាមទារឲ្យមានការពិនិត្យឡើងវិញ។
សម្តេចតេជោ ហ៊ុន សែន បានថ្លែងថា សម្តេចបានប្រឹងប្រែងច្រើនណាស់ ដើម្បីបំពេញតម្រូវការរបស់និស្សិតពេទ្យ ដែលក្នុងនោះមានដូចជាការបញ្ឈប់ការកំណត់អាយុក្នុងការប្រឡងចូលក្របខណ្ឌ និងការទទួលស្គាល់ការសិក្សារបស់និស្សិតបញ្ចប់ការសិក្សានៅប្រទេសវៀតណាមជាដើម។
សម្តេចតេជោ ហ៊ុន សែន បានផ្តាំទៅដល់ថ្នាក់ដឹកនាំតាមក្រសួងស្ថាប័ននានាមិនត្រូវមើលដើមឈើមួយដើមនោះទេ គឺត្រូវមើលព្រៃឈើទាំងមូល។
សម្តេចតេជោ ហ៊ុន សែន បានថ្លែងថា សម្តេចមានការហត់នឿយចំពោះរឿងខ្លះ ដែលអាចដោះស្រាយត្រឹមកម្រិតក្រសួងបានតែបែរជាមិនដោះស្រាយ ហើយទាមទារឲ្យសម្តេចចេញមុខដោះស្រាយ។
សម្តេចតេជោ ហ៊ុន សែន រំពឹងថា តាមរយៈអគារថ្មីនៅមន្ទីរពេទ្យកុមារជាតិនេះ ក្រុមគ្រូពេទ្យទាំងអស់ នឹងប្រឹងប្រែងយកចិត្តទុកដាក់ព្យាបាលដល់អ្នកជំងឺ។
សម្តេចតេជោ ហ៊ុន សែន បានថ្លែងថា កម្ពុជា-ជប៉ុន កម្ពុជា-ចិន សុទ្ធតែមានស្ពានឆ្លងកាត់ទន្លេ។ ដូច្នេះសម្តេចក៏ចង់ឃើញកម្ពុជា និងកូរ៉េខាងត្បូង មានស្ពានមិត្តភាពឆ្លងកាត់ទន្លេដូចជាជប៉ុន និងចិនផងដែរ។
សម្តេចតេជោ ហ៊ុន សែន បានស្នើដល់រដ្ឋាភិបាលកូរ៉េជួយធ្វើយ៉ាងណាឲ្យកូនខ្មែរកាត់កូរ៉េ បានចេះទាំងភាសាខ្មែរ និងភាសាកូរ៉េ,។
សម្តេចនាយករដ្ឋមន្ត្រី បានរំលឹកថា នៅក្នុងដំណើរទស្សនកិច្ចរបស់សម្តេចទៅកូរ៉េខាងត្បូងលើកដំបូង ត្រូវបានអតីតប្រធានាធិបតីកូរ៉េ បានឧបត្ថម្ភដល់សម្តេចរហូតដល់ប្រមាណ២លានដុល្លារអាមេរិក។ ពេលនោះអតីតប្រធានាធិបតីរូបនេះ បានប្រកាសផ្តល់ជាសាច់ប្រាក់ដល់សម្តេចថែមទៀតផង តែសម្តេចមិនបានទទួលយកជាសាច់ប្រាក់ដើម្បីប្រយោជន៍ផ្ទាល់ខ្លួននោះទេ ផ្ទុយទៅវិញសម្តេចបានស្នើសុំជំនួយជាគ្រឿងចាក់សម្រាប់ធ្វើប្រឡាយទឹក និងប្រព័ន្ធធារាសាស្ត្រទៅវិញ។
សម្តេចតេជោ ហ៊ុន សែន បានថ្លែងថា តាមរយៈនយោបាយរបស់ប្រធានាធិបតីកូរ៉េខាងត្បូងនាពេលបច្ចុប្បន្ន កម្ពុជានឹងទទួលបានប្រយោជន៍កាន់តែច្រើនថែមទៀត ដែលក្នុងនោះរួមមានការសាងសង់ផ្លូវផងដែរ, ។
សម្តេចតេជោ ហ៊ុន សែន បានថ្លែងថា សម្តេចបានប្រឹងប្រែងខ្លាំងណាស់ ដើម្បីភ្ជាប់ទំនាក់ទំនងរវាងកម្ពុជា និងកូរ៉េខាងត្បូងនៅថ្ងៃទី១៥ ខែឧសភា ឆ្នាំ១៩៩៦។
សម្តេចតេជោ ហ៊ុន សែន បានថ្លែងអំណរគុណដល់រដ្ឋាភិបាល និងប្រជាពលរដ្ឋកូរ៉េ ដែលបានផ្តល់ជំនួញសម្រាប់កសាង និងកែលំអឡើងវិញនូវអគារព្យាបាលជំងឺនៅមន្ទីរពេទ្យកុមារជាតិ។
សម្តេចតេជោ ហ៊ុន សែន បានថ្លែងថា ក្នុងទស្សវត្សរ៍ឆ្នាំ៩០ សម្តេចបានតស៊ូមតិយ៉ាងខ្លាំងក្លារហូតដល់គំរាមឈប់ពីតំណែងថែមទៀតផង ដើម្បីប្រឆាំងជាមួយអ៊ុនតាក់ ដែលទាមទារយកទីតាំងសាកលវិទ្យាល័យសង្គមវិទ្យានៅជាប់អគាររាជបណ្ឌិត្យសភា និងអគារមន្ទីរពេទ្យកុមារជាតិ ធ្វើជាមូលដ្ឋានរបស់ពួកគេ។
សម្តេចតេជោ ហ៊ុន សែន បានអរគុណរដ្ឋាភិបាល និងប្រជាជនកូរ៉េខាងត្បូង ដែលបានគាំទ្រ និងជំរុញការភ្ជាប់ទំនាក់ទំនងរវាងកម្ពុជា-កូរ៉េ ហើយធ្វើឲ្យការសម្រេចចិត្តផ្នែកនយោបាយជាយុទ្ធសាស្ត្រនៃការភ្ជាប់ទំនាក់ទំនងរបស់សម្តេចបានទទួលជោគជ័យ។ សម្តេចនាយករដ្ឋមន្ត្រី ថ្លែងថា បើការសម្រេចចិត្តភ្ជាប់ទំនាក់ទំនងការទូតនេះមិនទទួលបានជោគជ័យទេ សម្តេចនឹងទទួលការស្តីបន្ទោសជាមិនខាន៕ សិលា
