មនុស្សម្នាក់ស្លាប់ និងម្នាក់ទៀតរងរបួសធ្ងន់ក្នុហេតុការគ្រោះថ្នាក់ចរាចរណ៍

ប៉ោយប៉ែត៖ មនុស្សម្នាក់បានស្លាប់នៅកន្លែងកើតហេតុ ចំណែកម្នាក់ទៀតរងរបួសធ្ងន់ក្នុងហេតុការណ៍គ្រោះថ្នាកចរាចរណ៍រវាងម៉ូតូបុកម៉ូតូនៅថ្ងៃអាទិត្យ ១៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៣ ខែឧសភា ឆ្នាំ២០១៨ វេលាម៉ោង ០៧ និង ០០នាទី លើក្រាលកៅស៊ូ ត្រង់ចំណុចខាងមុខរោងចក្រអូរនាង ប្រហែល១០០០ម៉ែត្រ ស្ថិតក្នុងភូមិអូរឫស្សី សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។

សពរងគ្រោះមានឈ្មោះគុជ សារ៉ាត់ ភេទប្រុស អាយុ៤៣ឆ្នាំ មុខរបរកម្មករ(ស្លាប់) រស់នៅក្នុងភូមិអូរនាងសង្កាត់ផ្សារកណ្តាល ចំណែកម្នាក់ទៀតរងរបួសធ្ងន់មិនស្គាល់អត្តសញ្ញាណ ក្រោយកើតហេតុសាច់ញ្ញាតិដឹកទៅសង្គ្រោះនៅមន្ទីរពេទ្យ ។

សមត្ថកិច្ចជំនាញបញ្ជាក់ថា:មុនកើតហេតុមានមួយ គ្រឿងម៉ាកវេវ ពណ៌ខ្មៅ ពុំមានស្លាកលេខ បើកបរដោយឈ្មោះ គុជ សារ៉ាត់ ភេទប្រុស អាយុ៤៣ឆ្នាំ មុខរបរកម្មករ រស់នៅក្នុងភូមិអូរនាងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បើកបរពីលិចទៅកើត លុះបើកដល់ចំណុចកើតហេតុ ស្រាប់តែមានម៉ូតូ០១គ្រឿងម៉ាកហុងដា ឃ្លីក ពណ៌ក្រហម ពាក់ស្លាកលេខ បន្ទាយមានជ័យ 1I-3066 មិនស្គាល់អត្តសញ្ញាណអ្នកបើកបរបើកបរពីកើតទៅលិច(ច្រាសទិសគ្នា) រួចបុក និងម៉ូតូខាងលើគ្រោះថ្នាក់តែម្តង ។

ម៉ូតូទាំងពីរគ្រឿងខួចខាតធ្ងន់ ក្រោយពីកម្លាំងជំនាញរបស់អធិការក្រុងប៉ោយប៉ែតវាសវែងរួចរាល់យកទៅរក្សាទុកអធិការដ្ធានរង់ចាំដោះស្រាយតាមផ្លូវច្បាប់ ។ រីឯសពរងគ្រោះបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕ វណ្ណា